Մոլորակի գրեթե ամեն երրորդ բնակիչը ավելորդ քաշ կամ ճարպակալում ունի: Նրանցից շատերն ակտիվ, թեկուզեւ ոչ այնքան հաջող պայքար են մղում քաշի դեմ: Ո՞ր սննդակարգերն են ավելի արդյունավետ այդ պայքարում` ցածր ածխաջրայինները, թե ցածր ճարպայինները: Այդ հարցին փորձել են պատասխանել Մակհիլլի համալսարանի (Կանադա) աշխատակիցները, որոնք 53 տարբեր սննդակարգի համեմատական վերլուծություն են կատարել:
Առաջին հայացքից, ամենաճիշտը սննդակարգում ճարպի քանակի սահմանափակումն է, չէ որ ճարպը երկու անգամ ավելի շատ կալորիա է պարունակում, քան ածխաջրերը: Պարզվել է, որ ամեն ինչ այդքան պարզ չէ: Կանադացի գիտնականների հետազոտությունը ցույց է տվել, որ ճարպի ցածր պարունակությամբ սննդակարգերը քաշի երկարաժամկետ նվազման համար ավելի արդյունավետ չեն, քան ածխաջրերի եւ ճարպերի բարձր պարունակությամբ սննդակարգերը:
Պարզվել է, որ ցածր ածխաջրային սննդակարգերը ցածր ճարպայիններից միջինը 1,15 կգ-ով ավելի արդյունավետ են: Ճարպազուրկ սննդակարգերն ավելի լավ արդյունքներ են ցույց տվել (քաշի կորուստ միջինը 5,41 կգ-ով) միայն սննդի սովորական ռեժիմի դեմ` կարճաժամկետ կիրառությամբ եւ ագրեսիվ մարտավարությունների կիրառությամբ: Սակայն արագ նիհարելուց հետո կգ-ներն արագ վերադառնում են, հիշեցնում են գիտնականները:
«Առողջ սննդի առաջնորդող սկզբունքները պիտի քաշի նվազման համար հանձնարարականներից բացառեն ճարպի ցածր պարունակությամբ սննդակարգերը` նկատի ունենալով երկարաժամկետ ազդեցության բացակայությունը այլ` համանման ինտենսիվությամբ սննդակարգերի համեմատ», - եզրակացրել է հետազոտության համահեղինակ Դիոնա Ալլումը ներկայացված ապացույցների լույսի ներքո:
Հետազոտությունը հրապարակվել է Lancet Diabetes & Endocrinology գիտական ամսագրում:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր