• Latest news

4 խորհուրդ այն մասին, թե ինչպես չգիրանալ ամուսնանալուց հետո

25 ապրիլի, 2016  10:31

Ամուսնանալուց հետո շատ մարդիկ, անկախ տարիքից, սկսում են գիրանալ: Ոմանց չի հերիքում սլացիկությունը պահպանելու մոտիվացիան, մյուսները սկսում են ավելի շատ սնունդ պատրաստել եւ ավելի շատ ուտել, ինչը եւս ավելորդ քաշի կուտակման է հանգեցնում:   

Ձեր ուշադրությանն ենք ներկայացնում 4 խորհուրդ, որոնք կօգնեն չգիրանալ հարսանիքից հետո: 

Ավելի հաճախ սեքսով զբաղվել

Սեքսը ոչ միայն հաճելի, այլեւ օգտակար զբաղմունք է ինչպես առողջության, այնպես էլ կազմվածքի համար: Սեքսի 25 րոպեն ավելի քան 100 կալորիա է այրում: Որքան ավելի հաճախ եւ շատ զբաղվեք սեքսով, այնքան փոքր կլինի գիրանալու ռիսկը: 

Սպորտով զբաղվեք

Ցանկացած տեսակի ֆիզիկական ծանրաբեռնվածությունը` հեծանիվ քշելուց մինչեւ պարեր, շատ օգտակար է ֆիզիկական լավ վիճակը պահպանելու համար: Եթե չեք ուզում նույն մարզաձեւով զբաղվել կամ էլ միասին մարզվել   (որոշ կանայք, օրինակ, չեն ուզում, որ իրենց ամուսիններն իրենց տեսնեն քրտնած եւ հոգնած), ձեզ համար տարբեր զբաղմունքներ գտեք: Կինը, օրինակ, կարող է յոգայով զբաղվել, իսկ ամուսինը` ըմբշամարտով կամ կրոսֆիթով: 

Դիմացեք առանց հավելումների

Տղամարդու` հավելյալ ուտելիքի խնդրանքը շատ կանանց համար հաճոյախոսություն է, բայց մի մոռացեք, որ լրացուցիչ կալորիաները կհանգեցնեն ավելորդ քաշի կուտակման: Ջանացեք պատրաստել այնքան, որքան անհրաժեշտ է ձեր` երկուսի համար, մինչեւ վերջ մի կերեք, եթե զգում եք, որ կշտացել եք: 

Զգույշ եղեք խնջույքների եւ հանդիսավոր ընթրիքների ընթացքում 

Ընկերների կամ ազգականների հետ սեղանի շուրջը հավաքվելն իհարկե հաճելի է, բայց ջանացեք այլ` սննդի հետ չկապված զբաղմունքներ գտնել, որոնք կարող են ձեզ միավորել մտերիմ մարդկանց հետ: Օրինակ` համատեղ զբոսանքներ կազմակերպեք: 

Եթե այնուամենայնիվ ընտանեկան ընթրիք է նախատեսված, ջանացեք չափից շատ չուտել. կերեք սոսկ այնքան, որքան Ձեզ անհրաժեշտ է կշտանալու համար:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է