• Latest news

Երիտասարդության գաղտնիքը թաքնված է շիկակարմիր գենում

2 մայիսի, 2016  21:18

Գիտնականները որոշակի առաջընթաց են արձանագրել այն բանի ընկալման մեջ, թե ինչու որոշ մարդիկ իրենց տարիքից ավելի երիտասարդ են երեւում:   Նրանք   մարդկային ԴՆԹ-ի ֆերմենտ են հայտնաբերել, որը, ըստ երեւույթին, ազդում է այն բանի վրա, թե մարդը քանի տարեկան է երեւում: 

MC1R գենը պատասխանատու  է մարդկային մարմինը ուլտրամանուշակագույն ճառագայթումից պաշտպանելու համար, իսկ նրա տարբերակները, մասնավորապես, իրենց մեջ տեղեկություն են կրում մազերի շիկակարմիր գույնի մասին: 

Նիդերլանդներում Էրազմուսի համալսարանի Բժշկական կենտրոնը եւ Unilever ընկերությունը «թվացյալ տարիքի» ուսումնասիրություն են կատարել: Գիտնականների եզրահանգումները հրապարակվել են  Current Biology ամսագրում, հայտնում է BBC-ն:

Հետազոտության շրջանակում գիտնականները 2693 մարդու պատկեր են վերցրել, որոնք նկարվել էին առանց դիմահարդարման, եւ մարդկանց հարցրել են, թե իրենց կարծիքով քանի տարեկան է լուսանկարվածներից յուրաքանչուրը: Հետո արդյունքները համեմատել են ուսումնասիրվողներից յուրաքանչյուրի իրական տարիքի հետ: 

Հաջորդ փուլում հետազոտողները մանրամասնորեն ուսումնասիրել են այդ  2693 մարդու ԴՆԹ-ն, որպեսզի որեւէ համընկնող տարբերություն կամ մուտացիա հայտնաբերեն   ավելի երիտասարդ թվացող մարդկանց մոտ: 

Ամեն ինչ մատնանշել է MC1R գենին, որը պատասխանատու էր մելանինի արտադրության համար, որն ազդում է մաշկի պիգմենտացիայի վրա եւ այն պաշտպանում արեւի ուլտրամանուշակագույն ճառագայթումից: Սակայն այդ գենը բազմաթիվ ձեւեր կամ տարբերակներ ունի, որոնցից շատերը պատասխանատու են շիկակարմիր մազերի համար. այդ պատճառով այն «շիկակարմիր գեն» են կոչել:

Գիտնականները ենթադրում են, որ գենի որոշ տարբերակներ հանգեցնում են նրան, որ դրա կրողները միջինը երկու տարով ավելի երիտասարդ տեսք են ունենում, քան MC1R-ի այլ տարբերակներով մարդիկ:

Միաժամանակ հետազոտողները չեն կարողանում բացատրել, թե  MC1R-ն ինչու է այդպես ազդել: Նրանք ստուգել են այն տեսությունը, թե գենի տարբերակները կարող են փոխել արեւի ազդեցության ուժը մաշկի վրա, եւ դա հաստատվել է: 

Բժշկության ոլորտում հետազոտությունների բրիտանական խորհրդի գենետիկայի բաժնից Իեն Ջեքսոնն ասում է, որ գիտնականները հետաքրքիր եզրահանգումներ են արել, բայց երիտասարդության աղբյուր չեն հայտնաբերել:  «Հարցն այն է, թե նրանք իրենց հաշվարկներում որքանով են հաշվի առել բոլոր գործոնները, ներառյալ մազերի եւ աչքերի գույնը: Բայց բնազդաբար ինձ թվում է, որ հարցը պիգմենտացիան է: Կասկածում եմ, թե ավելի գունատ պիգմենտացիայով մարդիկ ավելի երիտասարդ տեսք ունեն: Խոսքը ավելի գունատ մաշկի, կապույտ աչքերի եւ բաց գույնի կամ խարտյաշ մազերի մասին է», - նշում է Ջեքսոնը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է