Ռուսաստանում «Ռոսպոտրեբնադզորը» շրջանառությունից հանոմ է Սեաալեքս ֆորտե ու «Ալի կապս» բիոակտիվ հավելումները, որոնք նախատեսված են տղամարդկանց պոտենցիայի ամրապնդման համար: Այս մասին «Կոմերսանտին» հայտնել են գերատեսչութունից:
ԵՏՄ տարածքում այդ բիոակտիվ հավելումները շրջանառվում էին Ղազախստանում այդ արտադրանքի պետական գրանցման հիման վրա: Սակայն Ղազախստանի ազգային էկոնոմիկայի նախարարության սպառողների իրավունքների պաշտպանության հանձնաժողովը ապրիլի վերջին հետ է կանչել գրանցումը:
Ավելի վաղ վաճառքում հայտնաբերվել էին «Սեալեքսի» ու «Ալի կապսի» կեղծ խմբաքանակներ, որոնք պարունակում էին գրանցման ժամանակ չնշված նյութ՝ տադալաֆիլ: Այն Ռուսաստանում բաղադրատոմսային դեղամիջոց է համարվում, որը նախատեսված չէ ազատ վաճառքի համար:
Գերատեսչությունից նշել են, որ կեղծ բիոակտիվ հավելումները շրջանառությունից հանելու համար «Ռոսպոտրեբնադզորը» տարածքային մարմիններին կարգադրել է ուժեղացնել կենսաբանական հավելումների արտադրության ու վաճառքի հսկողությունը, նաեւ քայլեր ձեռնարկել՝ կեղծ արտադրատեսակների իրացումը դադարեցնելու համար
Երկու դեղամիջոցների արտադրողի «Պանդա»-ի նախագահ Դմիտրի Դերգաչովը հայտնել է, որ դեղամիջոցների հետ կանչման մասին ընկերությունն իմացել է մայիսի 5-ի առավոտյան Ղազախստանում իր առաքիչներից: Ընդ որում պաշտոնական ծանուցագիր նրանք չէին ստացել:
Նրա կարծիքով ստեղծված իրավիճակը մրցակցային պատերազմի շարունակությունն է, քանի որ բիոակտիվ հավելանյութերի (ԲԱՀ) գրանցումը հետ կանչելուց անմիջապես հետո Սպառողների իրավունքների պաշտպանության հանձնաժողովը հրաժարական է տվել: Ընդ որում ղազախ մասնագետների նշած գրանցահամարներով այդ ապրանքատեսակը երբեք չի արտադրվել:
DSM Group-ի տվյալներով՝ «Սեալեքսն» ու «Ալի կապսը» Ռուսաստանում ամենաշատ վաճառվող ԲԱՀ-երի տասնյակում են ( մարտին հավելումների ընդհանուր շուկան գերաազանցել է 2.7 մլրդ ռուբլին)
Բայց որոշ ռուսական դեղաատներում «Սեալեքսը» ու «Ալի կապսը» արդեն չի վաճառվում: «Ռիգլա» ցանցի գլխավոր տնօրեն Ալեքսանդր Ֆիլիպովը պատմել է, որ ընկերությունը այդ ԲԱՀ-երը շրջանառությունից հանել է դեռ անցած տարվա աշնանը՝ դատախազությունից դրա կեղծված լինելու մասին ծանուցագիր ստանալուց հետո: 2015-ի սեպտեմբերին «Կոմերսանտը» հայտնել է, որ Մոսկվայի Բասմանի շրջանի Քննչական կոմիտեն քրեական գործ է հարուցել տղամարդկանց պոտենցիան ուժեղացնող հավելումների կեղծման փաստով՝ Պրոֆեսիոնալ դեղագործական կազմակերպությունների միության, Դեղատների հիլդիայի ու ԲԱՀ արտադրողների ինքնակառավարվող կազմակերպության հայտարարության հիման վրա: Այդ ժամանակ մինչքննչական ստուգման ընթացքում գնվել են «Սեալեքս ֆորտե», «Ալի կապս», «Տոնգկատ ալի Պլատինում», «Լավերոն», «Օրգազեքս» դեղամիջոցները ու ուղարկվել հետաազոտության ԱՆ-ում հավաստագրված լաբորատորիաներում, որոնք նմուշների 80 տոկոսում բացահայտել են ոչ միայն տադալաֆիլ, այլեւ սիլդենաֆիլ, որոնց գործածումը ԲԱՀ-երի մեջ արգելված է:
«Ռոսպոտրեբնադզորի» հաղորդագրությամբ, որը հրապաարակվել է մայիսի 6-ին գերատեսչությաան կայքում, ասվում է որ ԵՏՄ մաքսային տարածքում շրջանառության մեջ գտնվող կեղծ բիոաակտիվ հավելումների առանձին խմբաքանակների մասին իրենք տեղեկություններ են ստացել նաեւ Բելառուսի եւ Հայաստանի լիազոր մարմիններից:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր