• Latest news

Մեծ Բրիտանիայում ծննդկանները գնալով ավելի հաճախ են ընտրում «դանդաղ կեսարյան հատումը»

24 մայիսի, 2016  17:46

Անգլիացի ծննդկանների շրջանում առավելագույն ժողովրդականություն է վայելում այսպես կոչվող  «դանդաղ կեսարյան հատումը»: Գինեկոլոգները պարզաբանել են, որ այդ մեթոդը ավանդականից տարբերվում է բարձր անվտանգությամբ եւ բնականությամբ: 

Կեսարյան հատման նոր տարբերակը երեխային թույլ է տալիս խոշոր հաշվով ինքնուրույն դուրս գալ մոր փորում արված կտրվածքով: Եվ դա գլխավոր տարբերությունն է սովորական վիրահատությունից, երբ բժիշկները երեխային հանում են, տանում մորից, երբ նա անգիտակից վիճակում է: Ծննդկանը այժմ կարող է հետեւել գործընթացին եւ, ինչպես բնական ծննդաբերության ընթացքում, իր երեխային կրծքին սեղմել: Այդ մարմնական շփումը, վստահ են մասնագետները, ամրապնդում է հոգեբանական կապը:  

«Դանդաղ կեսարյանը» մորը եւ երեխային թույլ է տալիս ավելի հեշտ հաղթահարել սթրեսը եւ նորածնին հարմարվելու ավելի մեծ ժամանակ է տրամադրում: Ծննդյան գործընթացը միջինը չորս րոպե է տեւում: Այն մանրամասնորեն նկարագրել են   The Daily Mail-ի հոդվածում. նախ բժիշկները փոքր կտրվածք են անում եւ հանում են երեխայի գլուխը, հետո երեխային թույլ են տալիս ինքնուրույն, առանց շտապելու դուրս գալ արգանդից: Համարվում է, որ այդ ընթացքում նա սովորում է ներարգանդային պայմաններից տարբեր պայմանների` բարձր աղմուկներին, վառ լույսին, ջերմային գործոններին: 

Բրիտանացի մայրիկներից մեկը` Սառա Սոնդերսը, որը վերջերս  «դանդաղ կեսարյան» է տարել, վիրահատարանում արված տեսանյութը տեղադրել է YouTube-ում` այլ աղջիկների ցույց տալու, թե իր համար որքան հարմարավետ էր դա: «Եթե դուք ի վիճակի չեք բնական եղանակով ծննդաբերելու, բնական կեսարյան հատումը ձեզ համար լավագույն տարբերակը կլինի», - գրել է նա տեսահոլովակի տակ: 

«Դանդաղ կեսարյանի» մեթոդը մշակել են Չելսիում Շառլոտ թագուհի հիվանդանոցի գինեկոլոգները ավելի քան տասը տարի առաջ:  Այսօրվա դրությամբ այն մատչելի է տվյալ բժշկական հաստատության եւ Մեծ Բրիտանիայի մի քանի մասնավոր կլինիկայի հիվանդներին:  Նման եղանակով ծնված երեխաների մոտ շնչառական ավելի քիչ խնդիրներ են նկատում, որոնք այնքան հաճախակի են ստանդարտ կեսարյան հատման դեպքում: Երկու ամիս անց մասնագետները նոր մեթոդի կլինիկական հետազոտություն կկատարեն, եւ եթե այն պաշտոնապես ճանաչվի որպես պակաս ռիսկային, այն կներդնեն բրիտանական հիվանդանոցներում:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է