• Latest news

ԵԱՏՄ-ին միանալուց հետո հայկական շուկայում կարող է աճել կեղծ դեղամիջոցների թիվը. քիմիկոս

24 մայիսի, 2016  14:50

ԵԱՏՄ-ին միանալուց հետո հայկական շուկայում կարող է աճել կեղծ դեղամիջոցների թիվը, որոնք կբերվեն միության այլ երկրներից: Լրագրողների հետ հանդիպմանը նման կարծիք է հայտնել քիմիկոս Գայանե Խաչվանքյանը Հայաստանի Սպառողների ազգային ակադեմիայի Իրավաբանական անձանց միությունից: 

Նրա խոսքով, ռուսաստանյան շուկայում այսօր շատ են կեղծ դեղամիջոցները եւ ռիսկ կա, որ այդ դեղամիջոցները կարող են Հայաստան ներթափանցել: Դա կարող է մեծ վնաս հասցնել հայ սպառողների գրպանին եւ առողջությանը, չէ որ սովորաբար կեղծում են թանկ դեղամիջոցները  եւ եթե մարդն իր վերջին գումարը տա այնպիսի դեղամիջոցի գնմանը, որն իրականում կեղծված է եւ նրան ոչ մի կերպ չի օգնի, դա իսկական ողբերգություն կլինի:   

Գայանե Խաչվանքյանը նշել է, որ եթե դեղը գրանցված է ԵԱՏՄ-ի երկրներից մեկում, այն ինքնաբերաբար գրանցված կհամարվի նաեւ մյուսներում: Գրանցման ընթացքում դեղի որակը չի ստուգվում, այդ պատճառով այն ստուգելու միակ հնարավորությունը ներմուծման դեպքում է: 

Գայանե Խաչվանքյանի կարծիքով, անհրաժեշտ է Հայաստանում կեղծ դեղեր հայտնաբերելու նոր մեխանիզմներ մշակել: Նրա կարծիքով այդ հարցում կարող է օգնել դեղերի փորձաքննության կենտրոնը, որը պետք է ավելի շատ լիազորություններ եւ հնարավորություններ ունենա ստուգելու Հայաստան բերվող դեղերը: 

«Սահմանին, որտեղ հնարավոր է կանգնեցնել անորակ դեղերի մուտքը, միայն այդ կազմակերպությունն է կանգնած», - նշել է մասնագետը:

Սակայն այսօր Դեղերի փորձաքննության կենտրոնը ստուգում է ներմուծվող դեղերի ընդամենը 10 տոկոսը, ինչը իհարկե շատ քիչ է:  Եթե կենտրոնը հնարավորություն ստանար ստուգել գոնե 50 տոկոսը, դա կօգներ ավելի լավ ապահովել սպառողների անվտանգությունը կեղծ եւ անորակ դեղամիջոցների գնումից:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է