• Latest news

Գարեջուրը փրկո՞ւմ է Ալցհայմերի հիվանդությունից

31 մայիսի, 2016  23:39

Գարեջուրն օգնում է կանխարգելել Ալցհայմերի հիվանդությունը. ալկոհոլային խմիչքը դանդաղեցնում է ամիլոիդային թերթիկների կուտակումը: Նման եզրակացության են հանգել շվեդ եւ ֆինն գիտնականները: Սակայն ոչ այդ ազդեցության մեխանիզմը, ոչ խմիչքի կոնկրետ չափաբաժնի դերն առայժմ պարզ չէ: Այդ հայտնագործության մասին հայտնում է Alcoholism: Clinical and Experimental Research ամսագիրը, իսկ դրա մասին համառոտ պատմում է Popular Science-ը:

Գիտնականները կապ են հայտնաբերել ալկոհոլային տարբեր խմիչքների օգտագործման եւ գլխուղեղում բետաամիլոիդների կուտակման միջեւ: Ընդհանուր առմամբ Ֆինլանդիայից 35-70 տարեկան   125 տղամարդ է հետազոտվել, որոնք մահացել են տարբեր պատճառներից: 

Գնահատվել է ալկոհոլի օգտագործումը  (հարցաթերթիկներով, որոնք լրացրել են մեռածների ազգականները), բետա-ամիլոիդների խտությունը (ուղեղի հատումների  միջոցով) եւ ապոլիպրոտեին E-ի չորրորդ իզոձեւի առկայությունը, որը Ալցհայմերի հիվանդության ռիսկի գենետիկ կարեւորագույն գործոն է    (մկանային հյուսվածքից վերցված ԴՆԹ-ի միջոցով):

Բետա-ամիլոիդների կուտակումը տարիքի հետ մեծացել է բոլոր հետազոտվողների մոտ, սակայն գարեջրի օգտագործումն էականորեն նվազեցրել է այն: Ոչ խմիչքի ծավալը, ոչ գինի եւ ալկոհոլային այլ խմիչքներ խմելու հակումը ամիլոիդային թերթիկների վրա ոչ մի ազդեցություն չի ունեցել:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է