Ցանկացած կին վախենում է ծերանալ, կորցնել գրավչությունը եւ անկախությունը: Գիտնականները 5 մթերքի անուն են տվել, որոնք կանոնավոր կերպով պետք է ուտի յուրաքանչյուր կին, որն ուզում է առավելագույնս հետաձգել ծերությունը եւ պահպանել առողջությունը:
California Walnut Commission-ի աջակցությամբ հետազոտություն կատարած գիտնականների խոսքով, այս պարզ եւ ոչ թանկ մթերքները կանանց կօգնեն տարիքի հետ պահպանել գեղեցկությունը եւ ֆիզիկական լավ վիճակը:
1. Նարինջ,
2. Խնձոր,
3. Տանձ,
4. Ռոմեն հազար,
5. Հունական ընկույզ:
Մրգերի եւ տերեւային բանջարեղենի օգտակարության մասին հավանաբար բոլորն են լսել եւ քչերին կարող է զարմացնել այն փաստը, որ վերոհիշյալ 5 մթերքից 4-ը մրգեր եւ բանջարեղեններ են: Ինչ վերաբերում է ընկույզին, դրա օգտակար հատկանիշների մասին եւս վերջերս շատ են խոսում: Գիտնականների խոսքով, շաբաթը երկու բուռ ընկույզ ուտելն օգտակար է նաեւ այն կանանց առողջության համար, որոնք շաբաթը 4 ժամ վազքով են զբաղվում:
Նախորդ հետազոտությունները նաեւ ցույց են տվել, որ հունական ընկույզը նվազեցնում է արյան մեջ խոլեստերինի մակարդակը, նվազեցնում է դիաբետի եւ սրտային նոպայի զարգացման ռիսկը, օգնում է հաղթահարել սթրեսը, կանխում է Ալցհայմերի հիվանդությունը, կրծքի եւ շագանակագեղձի քաղցկեղը:
Գիտնականների խոսքով, գեղեցկության եւ առողջության պահպանման համար պետք է ոչ միայն ուտել վերոհիշյալ մթերքները, այլեւ ջանալ խուսափել աղից, չհագեցած ճարպերից եւ շաքարից եւ հնարավորինս շատ միրգ եւ բանջարեղեն ուտել:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր