Նորվեգիան չկարողացավ հաջողություն գրանցել ֆուտբոլի առաջնությունում, փոխարենն այս երկիրն առաջինը կլիներ Առողջության եվրոպական առաջնությունում, եթե, իհարկե, նման առաջնություն անցկացվեր: Այս մասին են վկայում Treated.com-ի մասնագետների անցկացրած հետազոտության արդյունքները:
Դրանց համաձայն, Նորվեգիան Եվրոպայի ամենաառողջ երկիրն է, իսկ ամենահիվանդը Թուրքիան է, չնայած ալկոհոլ օգտագործող մարդկանց թիվն այստեղ ամենափոքրն է ամբողջ եվրոպական տարածաշրջանում:
Մասնագետներն ուսումնասիրել են առողջապահության ոլորտում եվրոպական երկրների ծախսերը, հիվանդանոցային մահճակալների թիվը, կյանքի տեւողությունը, ինչպես նաեւ բնակչության շրջանում վնասակար սովորույթների տարածվածությունը: Տվյալները վերցվել են Առողջապահության համաշխարհային կազմակերպությունից, Տնտեսական համագործակցության եւ զարգացման կազմակերպությունից, Առողջության ցուցանիշների չափման եւ գնահատման ինստիտուտից եւ Indexmundi-ից:
Հետազոտությունը ցույց է տվել կյանքի տեւողության եւ ալկոհոլային խմիչքների միջեւ կապը. այն երկրներում, որտեղ ավելի քիչ են խմում, ավելի երկար են ապրում: Առավել հարուստ երկրներում նույնպես, օրինակ՝ Մոնակոյում, Շվեյցարիայում եւ Անդորրայում, մարդիկ ավելի երկար են ապրում:
Եվ այսպես, հետազոտության արդյունքներն այսպիսինն են.
• Նորվեգացիները Եվրոպայի առավել առողջ ժողովուրդն են,
• Իսլանդիան ծխողների ամենափոքր թվով երկիրն է,
• Շվեդիան ամենաքիչ աղտոտված օդով երկիրն է,
• Մոնակոն կյանքի ակնկալվող ամենամեծ տեւողությամբ, թերապեւտների եւ հիվանդանոցային մահճակալների ամենամեծ քանակությամբ երկիրն է,
• Լյուքսեմբուրգը` առողջապահության վրա ամենամեծ ծախսերով երկիրն է,
• Անդորրան ճարպակալմամբ եւ ավելորդ քաշով մարդկանց ամենափոքր թվով երկիրն է,
• Թուրքիան ալկոհոլ օգտագործող մարդկանց թվով ամենափոքր երկիրն է:
Հակաթոփն այսպիսի տեսք ունի.
• Թուրքիան ամենապակաս առողջ բնակչությամբ երկիրն է,
• Իսլանդիան ավելորդ քաշով ամենաքիչ բնակիչներ ունեցող երկիրն է,
• Անդորրան հիվանդանոցային մահճակալների ամենափոքր քանակություն ունեցող երկիրն է,
• Ալբանիան թերապեւտների ամենափոքր քանակությամբ եւ առողջության վրա ամենափոքր ծախսերով երկիրն է,
• Մալթան ճարպակալմամբ ամենափոքր քանակությամբ մարդկանց երկիրն է,
• Բոսնիան ամենաքիչ աղտոտված օդով երկիրն է,
• Ուկրաինան կյանքի ամենափոքր տեւողությամբ երկիրն է,
• Մոլդովան ամենամեծ թվով ալկոհոլ խմողների երկիրն է,
• Հունաստանը ծխողների ամենամեծ թվով երկիրն է:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր