«Վատ» խոլեստերինը երկարակեցության աղբյուր են կոչել

Լիպոպրոտեինների` այսպես կոչված «վատ խոլեստերինի» բարձր մակարդակ ունեցող մարդիկ կարող են առնվազն նույնքան երկար ապրել, որքան արյան մեջ ճարպերի ցածր մակարդակով իրենց հասակակիցները, պարզել է գիտնականների միջազգային խումբը: 

Հետազոտողների միջազգային խումբը պարզել է, որ «վատ խոլեստերինի» բարձր մակարդակ ունեցող մարդիկ իրականում նույնքան երկար են ապրում, որքան արյան մեջ լիպոպրոտեինների ցածր խտությամբ իրենց հասակակիցները:  Աշխատանքի արդյունքները հրապարակվել են British Medical Journal-ում:

Դիտարկման հեղինակները վերլուծել են գոյություն ունեցող հետազոտությունները, որոնցում 60 տարեկանից սկսած ավելի քան 67 հազար մարդ է գործարկվել եւ կասկածի են առել ավելի վաղ արված եզրահանգումները, թե «վատ» խոլեստերինը բարձրացնում է սրտանոթային հիվանդություններից մահվան ռիսկը:  

British Medical Journal-ը գրում է, որ վերլուծության ընթացքում մասնագետները ոչ միայն կապի բացակայություն են արձանագրել ճարպերի բարձր պարունակության եւ անոթների գործառույթների խանգարումներից մահվան միջեւ, այլեւ պարզել են, որ խոլեստերինը կարող է խոչընդոտել, օրինակ, Պարկինսոնի հիվանդության կամ Ալցհայմերի համախտանիշի զարգացմանը: Գիտնականները կասկածի են առել այն հիպոթեզը, որի համաձայն, խոլեստերինի բարձր մակարդակով մարդիկ սրտանոթային հիվանդություններից մահվան ավելի մեծ ռիսկի են ենթակա եւ պետք է ստատիններ ընդունեն լիպոպրոտեինների խտությունը նվազեցնելու համար:   

Հետազոտողները նախատեսել են հետագայում պարզել, թե վատ խոլեստերինն ինչու է սրտանոթային հիվանդությունների զարգացման ռիսկի գործոն երիտասարդների մոտ, բայց ոչ ծերերի: 

Ցածր խտությամբ լիպոպրոտեինները խոլեստերինի կրող են, որը հաճախ «վատ խոլեստերին» է կոչվում այն պատճառով որ կապված է աթերոսկլերոզի զարգացման ռիսկի հետ: Դրանց հակառակ, բարձր խտությամբ լիպոպրոտեիններն էականորեն նվազեցնում են սրտանոթային հիվանդությունների զարգացման ռիսկը:

Հետևեք NEWS.am Medicine-ին Facebook-ում և Twitter-ում