Մասնագետները հայտնել են ճարպակալումը հաղթահարելու միակ արդյունավետ միջոցը

Նհհարել ցանկացողներին այսօր խորհուրդ են տալիս բազմաթիվ միջոցներ՝ դիետաներից սկսած մինչեւ վիրահատություններ: Սակայն University of Glasgow–ի մասնագետները, անցկացնելով լայնածավալ հետազոտություն ու վերլուծելով 132 479 մարդու տվյալներ, վսահեցնում են, որ նիհարելու ու ճարպակալումը հաղթահարելու միայն մեկ միջոց կա՝ գործածված կալորիաները վերահսկելը:

Նրանց խոսքով, բոլոր մյուս մեթոդները, որոնք ժամանակ մարդիկ շարուննակում են շատ կալորիա ստանալ, կամ անարդյունավետ են, կամ էլ կարճաժամկետ արդյունք են տալիս:

Կանանց 52 տոկոսը ու տղամարդկանց 66 տոկոսը, որոնք հետազոտության շրջանակում հայտնվել են գիտնականների տեսադաշտում, ունեին ճարպակալում կամ ավելորդ քաշ: Այդ մարդկանց կենսակերպի ու նրանց սննդային սովորությունների ուսումնասիրությունը թույլ է տվել գիտնականներին եզրակացություն անել, որ ավելորդ քաշի առաջացման վրա ազդող ամենածանրակշիռ գործոնը հենց ավելորդ կալորիաների գործածումն է:

«Ճարպակալման համաճարակը դադարեցնելու համար մարդիկ պետք է փոխեն իրենց սննդակարգը: Դժվար թե որեւէ այլ բան նույնքան արդյունավետ լինի», - ասել է հետազոտության համահեղինակ Ջեյսոնն Գիլը:

Ընդ որում սննդակարվգը պարզապես փոխելը բավարար չէ՝ պետք է անպայման կրճատել դրա կալորիականությունը: Ոմանք որոշում են ավելի քիչ քաղցրավենիք ուտել, սակայն առանց նկատելու՝ շաքարից ստացվող կալորիաները փոխարինում են ճարպից ստացվողներով՝ օրինակ տորթերի փոխարեն նրանք սկսում են շատ չիպս ուտել: Այսպիսով, նրանց սննդակարգի կալորիականությունը չի կրճատվում, ու նրանց դժվար թե հաջողվի նիհարել, մանավանդ երկարաժամկետ հեռանկարում:

Այսպիսով, գիտնականների խոսքով, պետք է ոչ թե մի սնուդը մյուսով փոխարինել, այլ պարզապես քիչ կալորիաներ, քիչ շաքար ու ճարպ գործածել:

Այս հետազոտության մասին պատմում է International Journal of Epidemiology ամսագիրը:

Հետևեք NEWS.am Medicine-ին Facebook-ում և Twitter-ում