• Latest news

6 ուտեստ, որ կարելի է ուտել նույնիսկ երեկոյան

20 հուլիսի, 2016  23:49

Քնելուց առաջ խորհուրդ չի տրվում ուտել, քանի որ ուշ ժամի ընթրիքը, բացասաբար է ազդում քնի որակի վրա եւ կնպաստի ավելորդ քաշ հավաքելուն: Սակայն եթե  շատ քաղցած եք, կարելի է փորձել ուտել ստորեւ թվարկվող ուտեստներից մեկը:

Ոչ յուղային յոգուրտ

Լավ յոգուրտը պարունակում է սպիտակուցներ, որոնց շնորհիվ դուք կհագենաք: Բացի դրանից, յոգուրտը հանգստացնող ազդեցություն է ունենում ստամոքսի վրա, որի շնորհիվ դուք մարսողության եւ այրոցի քիչ խնդիրներ կունենաք: Սակայն ընտրեք քիչ յուղային եւ շաքար չպարունակող յոգուրտներ, եթե չեք ցանկանում գիրանալ:

Բանան

Բանանը մեկ այլ թեթեւ ընթրիք է ուշ ժամի համար: Մեկ բանանը միջինում 100 կալորիայից մի փոքր է պակաս պարունակում, դրա փոխարեն այն հարուստ է բջջանյութով եւ թուլացնող տրիպտոֆանով:

Խնձոր՝ գետնանուշի կարագով

Եթե անհրաժեշտ է արագ հագեցնել քաղցը, կարող եք քնից առաջ ուտել գետնանուշի կարագով խնձոր: Այն արագ է հագեցնում, սակայն դրա հետ մեկտեղ ծանրություն է առաջացնում ստամոքսում:

Գազար

Բջջանյութով հարուստ գազարը կարող է արագ ճնշել քաղցի զգացումը: Եթե չեք կարողանում միայն գազար ուտել, ապա փորձեք ավելացնել հումուս:

Պիստակ

Մի բուռ պիստակը ուշ ժամին թեթեւ ընթրիքի մեկ այլ տարբերակ է: Այն պարունակում է բջջանյութ եւ հրաշալի հագեցնում է՝ երկար ժամանակ պահպանելով կուշտ լինելու զգացումը: Բացի այդ, կարծիք կա, որ պիստակը լավացնում է մարսողությունը:

Կաթով վարսակի փաթիլներ

Կաթով վարսակի փաթիլները մեկ գավաթը նույնպես հարմար է ուշ ժամի ընթրիքին, չնայած շատերը վարժվել են այն ուտել նախաճաշին: Այն եւ՛ հրաշալի մարսվում է, եւ՛ «կշռում» է 200 կալորիայից պակաս:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է