«Խավարասերների կաթը»՝ նոր սուպերմթե՞րք

Մեծաքանակ կալորիաներ պարունակող «խավարասերների կաթը» կարող է օգնել լուծել սնունդի անբավարարության հարցը։ Այս մասին հայտնել են ԱՄՆ–ի, Ճապոնիայի, Ֆրանսիայի, Հնդկաստանի եւ Կանադայի գիտնականները։ Խավարասերների կաթի բաղադրության մասին զեկույցը հրապարակվել է բյուրեղագրության միջազգային միության ամսագիրը (IUCrJ)։

Ասիայում եւ խաղաղօվկիանոսյան կղզիներում ապրող Diploptera punctate ուտիճները ուտիճաների դասի մյուս բոլոր ներկայացուցիչներից տարբերվում են նրանով, որ կենդանածին են: Նրանց մյուս ազգակիցները ձվադրում են կատարում: Ունենալով վերարտադրողական սեփական միջոց՝ Diploptera punctate-ն մտահոգվում է իր սերունդի գոյությամբ միջատներին ոչ հատուկ եղանակով. կաթնասունների նման նրանք ձագերին կերակրում են հատուկ ուտելի արտազատուկով:

Գիտնականների գնահատականներով՝ կենդանածին ուտիճների ուտելի արտազատուկը պարունակում է անհրաժեշտ բոլոր ամինաթթուները եւ բավական կալորիական է ու սննդարար։

«Այդ բյուրեղները լիարժեք սնունդ են։ Դրանցում կան սպիտակուցներ, ճարպեր, շաքար։ Իսկ եթե նայենք այդ սպիտակուցների ամինաթթուների բաղադրությանը, դրանք պարունակում են բացարձակապես բոլոր անհրաժեշտ ամինաթթուները»,– Times Of India–ին ասել էհետազոտության ղեկավար Սենչարի Բաներջին ։

Իհարկե դժվար է վճռել «կթել» խավարասերներին, ապա խմել նրանց «կաթը»: Այդ պատճառով գիտնականները քննարկում են  այնպիսի սպիտակուցների արհեստական արտադրության հարցը այն գեների հիմքով, որոնք կարող են փոխադրվել ավելի հարմար օրգանիզմ, օրինակ՝ խմորիչի մեջ:

Հետևեք NEWS.am Medicine-ին Facebook-ում և Twitter-ում