• Latest news

Նոր սարքը կօգնի հետեւել օրգանիզմում դեղերի խտությանը

27 հուլիսի, 2016  17:39

University of British Columbia եւ Paul Scherrer Institut-ի (PSI) գիտնականները նոր համակարգ են մշակել՝ հիվանդի օրգանիզմում դեղերի խտությանը հետեւելու համար:

Սարքը, որը սպեղանիի նման է, հագեցած է միկրոասեղներով, որոնց երկարությունը չի գերազանցում կես միլիմետրը: Սարքն ամրացվում է հիվանդի ձեռքին, միկրոասեղները ծակում են մաշկի միայն վերին շերտը՝ չվնասելով ներքին շերտերը, որտեղ տեղակայված են  նյարդային վերջույթները եւ արյունատար անոթները, հետեւաբար հիվանդը ցավ եւ անհարամարության զգացում չի ունենում: Այնուհետեւ սարքը ստեղծում է մաշկի վերին շերտում գտնվող հեղուկի պատվար: Ասեղի մեջ է ընկնում մեկ միլիոներորդ միլիմետրին համարժեք ծավալ: Ներկառուցված օպտիկական սենսորի շնորհիվ սարքն արագ որոշում է դեղամիջոցի խտությունը:

Հեղինակներն արդեն իրենց գյուտը թեստավորել են՝ սարքի միջոցով հետեւելով  վանկոմիցինի խտությանը՝ հակաբիոտիկ, որը օգտագործվում է լուրջ ինֆեկցիաների դեմ պայքարելիս եւ սովորաբար երակի մեջ է ներարկվում: Այն հիվանդները, որոնք վանկոմիցինով բուժում են ստանում, օրական 3-4 անգամ պետք է արյուն հանձնեն՝ արյան մեջ դեղամիջոցի խտությունը ստուգելու համար: Նոր համակարգը մոնիտորինգային  այս գործընթացը կդարձնի ավելի պակաս տհաճ:

Գիտնականների ստեղծած սարքը, հնարավոր է, կաշխատի հեղուկի ամենափոքր ծավալով, որը երբեւէ օգտագործվել է անալիզների համար: Կարեւոր է նաեւ այն, որ սարքը կարող է միանգամից երկու գործառույթ կատարել՝ վերցնել հեղուկը եւ այն հետազոտել:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է