• Latest news

Հայաստանում քիմիաթերապիայի մասին տարածված 3 առասպել

27 հուլիսի, 2016  20:51

«Քիմիաթերապիա»: Երբ մարդիկ բժշկի շուրթերից այս նշանակման մասին լսում են, սիրտն սկսում է խելահեղ բաբախել, շնչահեղձ են լինում, ոտքերը թուլանում են: «Իմ վերջն է: Ինձ քիչ է մնացել ապրելու», - մտածում են նրանք:

Հայերից շատերին է հատուկ քիմիաթերապիայի նկատմամբ այսպիսի բացասական վերաբերմունքը, պնդում է «Նաիրի» բժշկական կենտրոնի քիմիաթերապիայի բաժանմունքի ղեկավար Լեւոն Բադալյանը: Սակայն զարգացած երկրների բնակիչները քիմիաթերապիայի նկատմամբ այդպիսի վախ չունեն. Նրանք ավելի շատ տեղեկություն եւ գիտելիքներ ունեն  այն  մասին, թե ինչ է իրենից ներկայացնում այդ բուժումը, այդ պատճառով ավելի հանգիստ են դրան վերաբերվում: Իսկ մեր երկի բնակիչներից շատերի իմացությունը քիմիաթերապիայի վերաբերյալ շատ մակերեսային է եւ հիմնված է հնացած կարծրատիպերի եւ հարեւաններից լսած պատմությունների վրա, նրանց պատկրերացմամբ «քիմիան» բժշկության մեջ ամենասարսափելի բանն է:

NEWS.am Medicine-ի թղթակցի հետ զրույցում Լեւոն Բադալյանը քննարկում է Հայաստանում լայնորեն տարածված քիմիթերապիայի վերաբերյալ հիմնական առասպելները:

Առասպել 1. Քիմիաթերապիան շատ ծանր եւ բարդ բուժման տեսակ է

Հայերից շատերը, մասնագետի խոսքով, համոզված են, որ քիմիաթերապիան շատ ծանր բուժում է, որն ուղեկցվում է շատ լուրջ բարդություններով եւ թողնում է անդառնալի հետևանքներ օրգազնիզմի վրա:

Բնականաբար, դա միայն առասպել է, պնդում է Լեւոն Բադալյանը: Ճշմարտությունն այն է, որ ժամանակակից սխեմաներով, ժամանակակից դեղամիջոցների օգտագործմամբ քիմիաթերապիան հիվանդների մեծամասնությունը նորմալ է հաղթահարում: Շատերը նույնիսկ քիմիաթերապիա ստանալուց հետո գնում են աշխատանքի կամ զանազան միջոցառումների, հանգիստ շփվում են հարազատների եւ ընկերների հետ, եւ նրանց կյանքի որակը գործնականում չի տուժում:

Քիմիաթերապիայից հետո իրեն վատ է զգում միայն հիվանդների փոքր մասը, կախված օրգանիզմի որոշակի առանձնահատկությունների կամ ուղեկցող հիվանդությունների առկայության հետ, նշում է մասնագետը՝ հավելելով, որ նրանց վատ ինքնազգացողությունը տեւում է ընդամենը մի քանի օր. նրանք ամենեւին չեն տառապում ամիսներ շարունակ, ինչպես ընդունված է կարծել: Իսկ քիմիաթերապիայի կուրսերը ավարտելուց հետո բոլոր օրգանների ֆունկցիան աստիճանաբար վերականգնվում է, և օրգանիզմը շարունակում է գործել իր բնականոն ռիթմով:

Անցյալում, իհարկե, քիմիաթերապիան նկատելիորեն տարբերվում էր այսօրվա բուժումից. չկային բուժման ժամանակակից դեղամիջոցներ եւ սխեմաներ, ուստի 10 տարի առաջ հիվանդներից շատերն իսկապես բավական վատ էին տանում այսպիսի բուժումը, բայց այսօր ամեն ինչ փոխվել է: Հնարավոր է, որոշ կլինիկաներում քիմիաթերապիան չեն կատարում ժամանակակից ուղեցույցների համաձայն, այդ պատճառով նրանց հիվանդներն իրենց վատ են զգում: Մինչդեռ «Նաիրի» բժշկական կենտրոնի մասին այդպես չես ասի, քանի որ այստեղ, ինչպես նշում է մասնագետը, կիրառվում են նորագույն սխեմաներ, որոնք կիրառում են Եվրոպայի լավագույն կլինիկաներում. Սխեմաները նշանակելիս պարտադիր հաշվի են առնվում  հիվանդի տարիքը, քաշը, հասակը, բոլոր ներքին օրգանների ֆունկիցիոնալ վիճակը, նախկինում տարած հիվանդությունները:

Առասպել 2. Քիմիաթերապիա են նշանակում միայն անհուսալի հիվանդին

Շատ հայեր համոզված են, որ «քիմիա» են նշանակում միայն քաղցկեղի վերջին փուլում` անհուսալի, մահացող հիվանդներին: Նման նշանակման մասին լսելով՝ շատ հիվանդներ որոշում են, որ իրենք արդեն մեկ ոտքով այն աշխարհում են:

Ինչպես նշում է մասնագետը, իրականում քիմիաթերապիան չարորակ հիվանդությունների բուժման առանցքային  մեթոդներից մեկն բոլոր փուլերում՝ եւ՛ երբ քաղցկեղը նոր է սկսվում, եւ՛ բարձիթողի դեպքերում:

Այսպիսով, եթե հիվանդին նշանակել են քիմիաթերապիա, դա ամենեւին դատավճիր չէ: Հիվանդը  պետք է գիտակցի, որ քիմիաթերապիան համատեղ բուժման այլ մեթոդների հետ փրկելու է իր կյանքը:

Առասպել 3. Հայաստանում չկան քիմիաթերապիայի լավ դեղամիջոցներ

Տեսակետ կա, որ Հայաստանում չկան որակյալ քիմիաթերապիայի դեղամիջոցներ, այդ պատճառով շատերը ձգտում են դա Եվրոպայում գնել: Սակայն, ինչպես նշում է Լեւոն Բադալյանը, ճշմարտությունն այն է, որ արդեն շատ տարիներ է, ինչ Հայաստանում կան Եվրոպայում արտադրված լավագույն դեղամիջոցներ: Դրանք այստեղ գրանցված են, լայնորեն կիրառվում են բժշկական պրակտիկայում եւ լավ արդյունք են ապահովում՝ նույնը ինչ այլ երկրներում:

Դրանից բացի, Եվրոպայում քիմիաթերապիայի դեղամիջոցներ գնելը բավական բարդ է, քանի որ դրանք ազատ վաճառքում չկան: Այդ պատճառով, ինչպես նշում է մասնագետը, պարզապես անիմաստ է քիմիաթերապիայի դեղամիջոցներ փնտրել այլ երկրներում. դրանց հիմնական մասը կարելի է գնել Հայաստանում, իսկ եթե հարկ լինի որեւիցե հազվադեպ կիրառվող դեղամիջոցի, բժիշկն կուղղորդի այդ հարցում:

Հետևեք NEWS.am Medicine-ին Facebook-ում և Twitter-ում


 
  • Կարդացեք նաև
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է