• Latest news

Բժիշկները հիվանդին հանել են 16 տարվա կոմայից

18 օգոստոսի, 2016  11:06

Բժիշկներին հաջողվել է Լեհաստանի բնակչին դուրս բերել 16 տարվա կոմայից՝ կենտրոնական նյարդային համակարգի յուրահատուկ խթանի ներդրման շնորհիվ:

Ալեքսանդրա Յանչարսկայան կոմայի մեջ էր ընկել 6 տարեկանում հիպօքսիայի պատճառով, որը տեղի էր ունեցել այն պահին, երբ երեխան դեղահաբ խմելիս ջրից խեղդվել էր: Այս տարվա մայիսին Յանչարսկայայի մոր՝ լեհ դերասանուհի Էվա Բլաշիկի նախաձեռնած ֆոնդի աջակցությամբ տեղի բժիշկները ճապոնացի գործընկերների հետ աղջկան կենտրոնական նյարդային համակարգի խթան էին ներդրել: Համանման սարք էրներդրվել եւս 6 հիվանդների: Օգոստոսի սկզբին հայտնի էր դարձել, որ նրանցից մեկը դուրս է եկել կոմայից, իսկ Յանչարսկայան դարձավ երկրորդ հիվանդը, որին օգնել էր այդ վիրահատությունը:

«Նա հայացքով հետեւում է ամենին, ինչ կատարվում է շուրջբոլորը, արձագանքում է նրան, ինչը դուր է գալիս, աչքերով զայրույթի նշաններ է ցույց տալիս, երբ ինչ-որ բան նրան դուր չի գալիս: Նախկինում նման շփում չկար»,- ասել է բժիշկ Մոնիկա Բարչեւսկայան:

Բժիշկները նշում են, որ աղջկա արթնանալը չի նշանակում, որ նա անմիջապես սկսելու է քայլել եւ արձագանքել: Կոմայում եղած ժամանակահատվածում նրա օրգանիզմում փոփոխություններ են տեղի ունեցել, որոնք երկարատեւ վերականգնողական բուժում են պահանջում:

Հաղորդվում է, որ  մինչեւ ընթացիկ տարվա վերջը կենտրոնական նյարդային համակարգի խթան կներդնեն եւս 8 հիվանդի, որոնք կոմայի մեջ են:

Կենտրոնական նյարդային համակարգի խթանի սարքը աշխատում է ողնուղեղի կարծր թաղանթին էլեկտրոդներ ամրացնելու միջոցով: Սարքը գտնվում է հիվանդի մարմնում եւ հոսանք է հաղորդում էլեկտրոդներին, որոնք բարելավում են ուղեղում արյան շրջանառությունը վնասված նեյրոնների վերականգնման համար:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է