• Latest news

3 մթերք, որ խորհուրդ է տրվում ուտել ամեն օր

25 օգոստոսի, 2016  15:35

Մեր ամենօրյա սննդաբաժինը պետք է հնարավորինս շատ ներառի մեր առողջության համար կարեւոր վիտամիններով եւ հանքանյութերով հարուստ մթերքներ: Ամերիկացի օնկոլոգ-վիրաբույժ Դեւիդ Սամադին խորհուրդ է տալիս ամեն օր ուտել հետեւյալ երեք մթերքները:

Խնձոր

Մասնագետի կարծիքով՝ խնձորը հսկայական օգտակար հատկություններ ունի: Այն պարունակում է հակաօքսիդանտային ընդգծված հատկություններով նյութեր՝ ներառյալ կվերցետին, որը նպաստում է քաղցկեղի որոշ տեսակների կանխմանը եւ պաշտպանում է արտերիաները, դրանով իսկ կանխելով  սիրտ-անոթային հիվանդությունները, այդ թվում՝ ուղեղում օքսիդացման պրոցեսների հետեւանքով առաջացող դեմենցիան:

Գազար

Այս արմատապտուղը դրական է ազդում մարսողության համակարգի վրա՝ ակտիվացնելով աղիների գործունեությունը եւ կանխելով փորկապությունը՝ արդի քաղաքակրթության պատուհասը: Հետազոտությունները ցույց են տվել, որ գազարը նաեւ նպաստում է թոքերի քղցկեղի վտանգի նվազմանը:

Հունական ընկույզ

Հունական ընկույզը մյուս տեսակներից տարբերվում է, քանի որ պարունակում է ալֆա-լինոլաթթու, որը օրգանիզմը աշտպանում է սիրտ-անոթային հիվանդություններից եւ բորբոքային պրոցեսներից: Հունական ընկույզը նաեւ կայունացնում է արյան ճնշումը եւ օրգանիզմում խոլեստերինի տարբերի խտությունների միջեւ հավասարակշռությունը:

Բժիշկը նաեւ խորհուրդ է տվել այդ մթերքները տանը ճիշտ պահել: Այսպես՝ խնձորը հարկ է սառնարանում պահել՝ թեթեւակի ծածկելով խոնավ թղթե սրբիչով: Գազարը՝ նույնպես սառնարանում, սակայն պոլիէթիլեն տոպրակով եւ խնձորից առանձին: Իսկ հունական ընկույզը հարկ է պահել սառը եւ չոր տեղում հերմետիկ փակված փաթեթով:

Մասնագետի խոսքով՝ նշված երեք մթերքները կլոր տարին հասանելի են եւ պատրաստելու կարիք չունեն, ըստ որում՝ լավ են հագեցնում քաղցը:

«Խնձորը, գազարը եւ հունական ընկույզը հասանելի են տարվա ցանկացած ժամանակ, լավ են պահպանվում, այն հընթացս պայուսակի մեջ խցկելն առանձնապես դժվարություն չի ներկայացնում, իսկ դրանցից յուրաքանչյուրն օժտված է մարդուն անհրաժեշտ եզակի հատկություններով», - նշել է Սամադին:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է