• Latest news

Այսօր Առաջին բժշկական օգնության տրամադրման համաշխարհային օրն է

10 սեպտեմբերի, 2016  17:51

Սեպտեմբերի երկրորդ շաբաթ օրը շատ երկրներում նշվում է որպես Առաջին բժշկական օգնության տրամադրման համաշխարհային օր (World First Aid Day): Որպես դրա անցկացման նախաձեռնողներ, հանդես են եկել Կարմիր Խաչի եւ Կարմիր Մահիկի միջազգային շարժման անդամ հանդիսացող ազգային կազմակերպությունները: 

Առաջին բժշկական օգնության տրամադրման նպատակը տուժածի կյանքը փրկելու, նրա տառապանքները նվազեցնելու եւ հնարավոր բարդացումները կանխելու համար անհրաժեշտ պարզագույն բժշկական միջոցառումների իրականացումն է:  Պրոֆեսիոնալ առումով նման օգնություն տրամադրում են իհարկե բժիշկները, բայց նրանցից բացի, առաջին օգնության տրամադրման հնարքներին պետք է տիրապետեն ոստիկանության աշխատակիցները եւ փրկարարները: 

Բայց, կյանքը ցույց է տալիս, որ բժշկական արտակարգ օգնություն պահանջող իրավիճակներն ամենից հաճախ անսպասելի են ի հայտ գալիս, ժամանակի պակասի պայմաններում հաճախ` բժշկական կրթություն ունեցող մարդկանց բացակայությամբ:  Այդ պատճառով նման իրավիճակներում, երբ յուրաքանչյուր վայրկյանը թանկ է, կարեւոր է, որ դրա մասնակիցները խուճապի չենթարկվեն, գործեն արագ եւ վճռականորեն:  

Մասնավորապես, Կարմիր Խաչի բրիտանական բաժանմունքի աշխատակիցների համատեղ հետազոտությունները University of Manchester-ի աշխատակիցների հետ ցույց են տվել, որ վնասվածքներից մահացածների կեսից ավելիին հնարավոր կլիներ փրկել, եթե մոտերքում անհրաժեշտ պահին լիներ ինչ-որ մեկը, որը ծանոթ է առաջին բժշկական օգնության հնարքներին: 

Հետազոտության ընթացքում պարզվել է, որ Մեծ Բրիտանիայում մարդկանց   93 տոկոսը, տեսնելով, որ ինչ-որ մեկը վնասվածք է ստացել, անմիջապես շտապօգնություն է կանչում մինչեւ բժիշկների գալը: Բայց խնդիրն այն է, որ այդ մարդիկ կարող էին իրենք առաջին օգնություն տրամադրել առաջին կրիտիկական րոպեներին եւ դրանով փրկել տուժածի կյանքը: 

Մահերի մեծամասնությունը` մինչեւ 59 տոկոս, հնարավոր կլիներ կանխել տարրական միջամտությունների միջոցով:  Օրինակ, որոշ իրավիճակներում բավարար է ընդամենը տուժածին ճիշտ դիրք տալ` ազատելով նրա շնչուղիները, որպեսզի կշեռքի նժարը թեքվի կյանքի կողմը: Կարմիր Խաչի երկրորդ խորհուրդն է շտապ կանգնեցնել արյունահոսությունը, եթե այն չափազանց ուժեղ է, որպեսզի տուժածը չափից շատ արյուն չկորցնի, ինչը շատ դեպքերում ճակատագրական է լինում:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել