Ճարպոտ պանիրը կարող է շատ օգտակար լինել առողջության եւ կազմվածքի համար. դրանում պարունակվող նյութերը բարձրացնում են արյան մեջ «լավ» խոլեստերինի մակարդակը եւ օգնում են կանխել սրտանոթային եւ նյութափոխանակային հիվանդությունները: Այդ մասին հայտնում են Կոպենհագենի համալսարանի դիետոլոգիայի եւ առողջ սննդի ոլորտի մասնագետները:
12 շաբաթվա ընթացքում գիտնականները հետեւել են 139 հասուն կամավորի, որոնց 3 խմբի են բաժանել: Առաջին խմբում հայտնված մարդիկ ամեն օր 80 գ ճարպոտ պանիր են կերել, երկրորդ խմբում նրանք ստացել են ճարպի ցածր պարունակությամբ 80 գ պանիր, իսկ երրորդ խմբի մասնակիցներն ընդհանրապես պանիր չեն կերել եւ ամեն օր 90 գ հաց եւ մուրաբա են ստացել:
Ոչ մի խմբում չի նկատվել սրտի առողջության համար վնասակար «վատ» խոլեստերինի կամ ցածր խտության լիտոպրոտեինների մակարդակի փոփոխություն: Սակայն հենց ճարպոտ պանրի օգտագործումն է հանգեցրել «լավ» խոլեստերինի կամ բարձր խտության լիտոպրոտեինների մակարդակի բարձրացման:
Հիշեցնենք, որ գիտնականներն առաջին անգամ չէ, որ խոսել են ճարպի օգտակարության մասին: Վերջերս ճապոնացի գիտնականները պարզել էին, որ ճարպի օգտագործումը կանխում է լյարդում ճարպի կուտակումը, որովհետեւ ամրապնդում է արյան լիպիդային պրոֆիլը. հենց դրանով են որոշվում սրտանոթային համակարգի ռիսկերը: Իսկ 2015 թվականին իրականացված փոքրիկ հետազոտությունը ցույց է տվել, որ պանիրը կարող է արագացնել նյութափոխանակությունը եւ ճարպակալման դեմ պայքարը:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր