• Latest news

Լույս աշխարհ է եկել «երեք ծնողներից ծնված» առաջին երեխան

27 սեպտեմբերի, 2016  21:57

Ծնվել է աշխարհում առաջին երեխան, որի բեղմնավորման համար օգտագործվել է նոր տեխնոլոգիա՝ փոխանցելով երեք մարդու ԴՆԹ: Այս մասին հայտնում է New Scientist-ը: Նորածին Աբրահիմ Հասանը 5 ամսական է: Նա ունի երեք մարդու ԴՆԹ՝ մոր, հոր եւ դոնորի:

Դոնորի գենետիկ ինֆորմացիան պետք է օգնի երեխային խուսափել մոր գեները ժառանգելուց, որոնք կարող են հանգեցնել հիվանդության զարգացման:

Տեխնոլոգիան թույլ է տալիս հազվագյուտ գենետիկական հիվանդություններով ծնողներին առողջ երեխա լույս աշխարհ բերել: Բժիշկները կարծում են, որ այդ մեթոդիկան նոր դարաշրջան է բացում բժշկական հետազոտությունների համար եւ կարող է օգնել շատ մարդկանց:

Երեխայի ծնողները Հորդանանից են: Նրա մայրը Լեյի համախտանիշի  կրող է, որը ախտահարում է կենտրոնական նյարդային համակարգը: Ընդ որում, մայրն առողջ է, սակայն գենետիկ մուտացիայի պատճառով նրա երկու երեխաներն արդեն մահացել են:

Հիշեցնենք, որ Մեծ Բրիտանիայի խորհրդարանն անցյալ տարի հավանություն էր տվել բեղմնավորման տեխնիկաներից մեկին, որին կարող են մասնակցել 3 մարդ: Բեղմնավորվում է միանգամից մի քանի ձվաբջիջ, իսկ որոշ էմբրիոններ ոչնչացվում են: Սակայն մուսուլման զույգը հրաժարվել էր այդ տեխնիկայից կրոնական պատկերացումներից ելնելով:

Ի վերջո ամուսինները դիմել էին Նյու Յորքում անպտղության բուժման «Նոր հույս» կենտրոնին:

Գիտնականները բեղմնավորման  նոր մեթոդ էին մշակել, որով մոր ձվաբջջից հանում են միջուկը եւ տեղափոխում դոնորի ձվաբջիջ, որտեղից էլ հանվում էր դոնորի ձվաբջջի միջուկը: Արդյունքում ստացվել է մոր եւ դոնորի միտոքոնդրիումների ԴՆԹ-ով ձվաբջիջ: Հենց միտոքոնդրիումներն են փոխանցում  Լեյի համախտանիշը: Դրանից հետո գիտնականները բեղմնավորել են նոր բջիջը հոր սերմնահեղուկով:

Ստացվել էր 5 էմբրիոն, որոնցից միայն մեն էր նորմալ զարգացել: Դա էլ տեղադրվել էր մոր արգանդում: Երեխան ծնվել էր 9 ամիս անց:

Այս մեթոդը դեռ հավանություն չի ստացել ԱՄՆ-ում, այդ պատճառով դրա համար ամերիկացի գիտնականները մեկնել էին Մեքսիկա:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է