Առողջապահության նախկին նախարար Արմեն Մուրադյանն այսօր` սեպտեմբերի 28-ին շագանակագեղձի երեք վիրահատություն կկատարի նոր լազերի օգտագործմամբ, որը Հայաստանը նվեր է ստացել արտադրող ընկերությունից: Իսկ երկարաժամկետ կարիերային պլաններ նա առայժմ չունի: Այդ մասին Արմեն Մուրադյանը պատմել է լրագրողների հետ զրույցի ընթացքում` նախապատրաստվելով առաջին վիրահատությանը:
«Այս 2.5 տարին, երբ ես նախարար էի, շատ հետաքրքիր ժամանակաշրջան էր: Բայց ես այնուամենայնիվ բժիշկ եմ, վիրաբույժ: Պետք է ասեմ, որ այս պահին ես երկարաժամկետ պլաններ չունեմ: Ինչ վերաբերում է մոտակա պլաններին, այսօր պատրաստվում եմ 3 լազերային վիրահատություն կատարել, որոնք ինձ շատ են հետաքրքրում», - ասել է նախկին նախարարը:
Նշենք, որ Հայաստանի նախագահ Սերժ Սարգսյանի հրամանով երեկ` սեպտեմբերի 27-ին առողջապահության նախարար է նշանակվել Լեւոն Ալթունյանը, որը մինչեւ նշանակումը զբաղեցրել է «Ինգո Արմենիա» ապահովագրական ընկերության գործադիր տնօրենի պաշտոնը: Երբ դա հայտնի դարձավ, շատ լուրեր հայտնվեցին, թե այժմ որտեղ է աշխատելու նախկին նախարարը: Առավել մեծ ժողովրդականություն է վայելում այն տարբերակը, թե Արմեն Մուրադյանը պետք է մեկնի Ռուսաստանում աշխատելու, որտեղ, ըստ լուրերի, նրան լավ պաշտոն են առաջարկել: Նախկին նախարարն ինքը չի հաստատել այդ լուրը:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր