• Latest news

3D տպիչով տպված ոսկրերը կօգնեն իսկական ոսկրեր աճեցնել

1 հոկտեմբերի, 2016  10:49

Northwestern University-ի գիտնականներն Ադամ Յակուսի գլխավորությամբ արհեստական ոսկրային հյուսվածք են ստեղծել, որը հնարավոր է տպել 3D տպիչով: Նոր նյութը, որը կոչել են Hyper-Elastic Bone (հիպերառաձգական ոսկոր), աչքի է ընկնում բարձր ամրությամբ, իսկ անհրաժեշտ ձեւի ոսկրը դրանից հնարավոր է շատ արագ պատրաստել:

Այժմ վիրահատության ընթացքում, օրինակ, դիմածնոտային, բժիշկները հաճախ ստիպված են լինում հիվանդի ազդրի ոսկրից հատված վերցնել, ինչը զգալիորեն բարդացնում է հիվանդի վերականգնման գործընթացը եւ իհարկե կապված է մի շարք բարդությունների հետ: Կենսանյութի օգտագործումը թույլ է տալիս խուսափել շատ բարդություններից եւ խնդիրներից:

Գիտնականներն արդեն կենսանյութն օգտագործել են կենդանիների վրա` առնետների ողնաշարի հատվածներ եւ կապիկի գանգի բեկորներ տպելով: Մակակա ռեզուսների գանգում փորված անցքերը սպիացել են 4 շաբաթ անց: Գիտնականները պոկման ոչ մի նշան, վարակներ կամ այլ կողմնակի էֆելտներ չեն հայտնաբերել: Բացի այդ, արհեստական ոսկրային նյութը իմպլանտացիայից հետո խթանել է օրգանիզմի սեփական ոսկրերի աճը:

Մշակման հեղինակները վստահ են, որ այդ եղանակով հնարավոր կլինի ոսկրերի հատվածներ տպել դիմածնոտային, ատամնաբուժական եւ այլ վիրահատությունների համար: Բացի այդ, դրանք հնարավոր կլինի օգտագործել նեոնատալ վիրաբուժության մեջ` որոշ բնածին արատների վերացման համար:

Մարդկանց վրա արհեստական ոսկրային նյութի փորձարկումները նախատեսված է սկսել առաջիկա հինգ տարվա ընթացքում:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է