• Latest news

Գերմանիայում հաջողությամբ կատարվել է արգանդի փոխպատվաստման առաջին վիրահատությունը

22 հոկտեմբերի, 2016  15:58

Գերմանիայում առաջին անգամ հաջողությամբ կատարվել է արգանդի փոխպատվաստման վիրահատություն: Տյուբինգենի համալսարանական կլինիկայում կատարված բազմաժամյա վիրահատությունը ընթացել է առանց բարդությունների: Այս մասին հոկտեմբերի 22-ին հայտնել են գերմանական գործակալությունները:

23-ամյա հիվանդը տառապում էր կանացի սեռական օրգանների զարգացման բնածին արատով,  Մայեր-Ռոկիտանսկի-Կուստեր-Հաուզերի ախտանիշով, եւ չբեր էր: Դոնորը, որի անունը չի հրապարակվում, հանուն նրա զոհաբերել է իր արգանդը: Այս վիրահատությանը Տյուբինգենում պատրաստվում էին  մի քանի տարի շարունակ:

Վիրահատությանը մասնակցել է շվեդ պրոֆեսոր Մաթս Բրենսթրյոմի բժիշկների խումբը, որն այդպիսի վիրահատությունների ռահվիրան է համարվում: 2014 թվականին հենց նրա կատարած արգանդի փոխպատվաստման վիրահատությունից հետո անպտղությամբ տառապող կինը առաջին անգամ առողջ երեխա ծննդաբերեց: Արգանդը նրան էր տրամադրել ընտանիքի բարեկամ 61-ամյա դոնորը:

 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել