• Latest news

Սոխի մեջ առկա նյութը խոչընդոտում է ձվարանների քաղցկեղի տարածմանը

25 հոկտեմբերի, 2016  11:59

Սոխի մեջ նյութ կա, որն ընդունակ է պայքարելու ձվարանների քաղցկեղի դեմ եւ խոչընդոտել քաղցկեղային բջիջների աճին ու տարածմանը: Սա պարզել են Ճապոնիայի Կումամոտո համալսարանի գիտնականները:

Ձվարանների էպիթելիալ քաղցկեղը ձվարանների քաղցկեղի տարածված տեսակներից մեկն է: Այս քաղցկեղի դեպքում հնգամյա կյանքը կազմում է միայն 40 տոկոս, իսկ քիմիաթերապիայի կուրս անցած հիվանդների 80 տոկոսի մոտ հետեւանքներ են առաջանում: Այս ամենը ցույց է տալիս, որ այս հիվանդության բուժման ավելի արդյունավետ միջոցներ են անհրաժեշտ:

Հետազոտողներն ուսումնասիրել են, թե սոխի մեջ պարունակվող օնիոնին A-ն ինչպես է ազդում ուռուցքային բջիջների աճի վրա: Նրանք պարզել են, որ նյութի ներարկումը դանդաղեցնում է ձվարանների էպիթելիալ քաղցկեղի բջիջների աճը, դրանից զատ՝ օնիոնին A-ն արգելակում է միելոիդային սուպերսորային բջիջների ուռուցքամետ ակտիվությունը: Նախկինում պարզվել էր, որ այս բջիջները ճնշում են հակաուռուցքային իմունային պատասխանի զարգացումը: Հակաուռուցքային պատրաստուկների հետ միաժամանակ օիոնին A-ի ներարկումը հանգեցնում է քաղցկեղային բջիջների կիսվելը ճնշելու դեղամիջոցների ունակության ուժգնացմանը:

Հեղինակները օնիոնին A-ն փորձարկել են ոչ միայն աճեցվող բջիջների, այլեւ ձվարանների քաղցկեղով տառապող մկների վրա: Օնիոնին A ստացած կենդանիները ավելի երկար են ապրել, քան նրանց այն ցեղակիցները, որոնք այդ նյութը չեն ստացել: Հետազոտողները նաեւ նկատել են, որ այդ մկների մոտ ուռուցքները զգալիորեն փոքրացել են:

Գիտնականները նյութի օգտագործման ընթացքում որեւէ կողմնակի էֆեկտ չեն հայտնաբերել: Նրանք կարծում են, որ օնիոնին A-ն կարելի է կիրառել գոյություն ունեցող բուժումը լրացնելու համար, որը թույլ կտա ձվարանների ուռուցքների դեմ պայքարն ավելի արդյունավետ դարձնել:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է