• Latest news

Բժիշկները հերքել են թարմ արյան փոխներարկման օգտակարության մասին առասպելը

25 հոկտեմբերի, 2016  23:52

Թարմ արյան փոխներարկումը (հեմոտրանսֆուզիա), որում երկարատեւ պահպանման հետեւանքով նստվածք չկա, չի նվազեցնում հիվանդների շրջանում մահացության ցուցանիշը: Սա պարզել են Կանադայի Մաքմասթերի համալսարանի գիտնականները:

Բժիշկները գնահատել են Ավստրալիայի, Կանադայի, Իսրայելի եւ ԱՄՆ-ի հիվանդանոցներից 31.5 հազար հիվանդի շրջանում մահվան ելքի թիվը, որոնց հեմոտրանսֆուզիա են արել: Պարզվել է, որ թարմ արյուն ստացածների շրջանում մահացությունը կազմել է 9.1%: Հին արյան փոխներարկմամբ փրկել չհաջողված դեպքերն ավելի քիչ են՝ 8.7%: Գիտնականները նշել են, որ ցուցանիշների վրա չեն ազդել արյան խումբը, ախտորոշումը, հիվանդանոցը կամ երկիրը:

Հոդվածի հեղինակների խոսքով՝ իրենց աշխատանքը վերջ է դնում վիճաբանություններին այն մասին, արդյո՞ք արյունը փչանում է պահպանելիս, եւ արդյո՞ք դրա թարմությունը նշանակություն ունի փոխներարկման գործողության հաջողության համար:

Բժշկական տեխնոլոգիաների զարգացումը թույլ է տալիս արյունը պահպանել մինչեւ 42 օր: Փոխներարկման համար առաջին հերթին ավելի հին կենսաբանական նյութ են օգտագործում, սակայն դրանում կենսաքիմիական, կառուցվածքային եւ ֆունկցիոնալ փոփոխությունների շուրջ մտահոգություններ կան:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է