• Latest news

Johnson & Johnson-ին պարտավորեցրել են ավելի քան 70 մլն դոլար վճարել ձվարանների քաղցկեղով հիվանդ եւս մեկ կնոջ

28 հոկտեմբերի, 2016  12:39

ԱՄՆ Սենթ Լուիս քաղաքի երդվյալ ատենակալների դատարանը Johnson & Johnson ընկերությանը պարտավորեցրել է ավելի քան 70 մլն դոլար վճարել կնոջը, ով հայտարարել է, որ ընկերության արտադրանքի օգտագործումն իր մոտ քաղցկեղ է առաջացրել:

Associated Press գործակալության տեղեկություններով՝ Քալիֆորնիայի նահանգի Մոդեսթո քաղաքի բնակչուհի Դեբորա Ջանեկինին երկար ժամանակ օգտվել է ընկերության մանկական փոշենյութից: 2012 թվականին բժիշկները նրան ձվարանների քաղցկեղ են ախտորոշել: Հայցի քննարկումը սկսվել է սեպտեմբերի 26-ին:

«Մենք գոհ ենք, որ ատենակալները ճիշտ որոշում կայացրեցին: Նրանք հերթական անգամ հաստատեցին Johnson & Johnson ընկերության կողմից այդ արտադրանքի օգտագործմամբ պայմանավորված ձվարանների քաղցկեղի առաջացման վտանգի մասին մարդկանց զգուշացնելու անհրաժեշտությունը»,- հայտարարել է հայցվորի փաստաբան Ջիմ Օնդերը:

«Մենք կարեկցում ենք այդ կնոջը եւ այն ընտանիքներին, որոնք տառապել են ձվարանների քաղցկեղով: Մենք մտադիր ենք բողոքարկել այսօրվա վճիռը, որովհետեւ գիտությամբ ենք առաջնորդվում, որը հաստատում է Johnson's Baby փոշենյութի անվտանգությունը»,- հայտարարել է ընկերության ներկայացուցիչ Քերոլ Գուդրիչը:

Սա համանման առաջին դեպքը չէ: Մայիսին Միսսուրի նահանգի ատենակալների դատարանը Johnson & Johnson ընկերությանը պարտավորեցրել էր  55 մլն դոլար վճարել մի կնոջ, որը նույնպես հայտարարել էր, որ ընկերության արտադրանքն է իբրեւ իր մոտ ձվարանների քաղցկեղ առաջացրել: Փետրվարին նույն դատարանը որոշել էր, որ Johnson & Johnson ընկերությունը պետք է 72 մլն դոլար վճարի ամերիկուհու ընտանիքին, որը մահացել էր քաղցկեղից, որն իբրեւ նույնպես ընկերության արտադրանքի օգտագործման հետեւանք էր:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է