• Latest news

Հիպերտոնիայի բուժման հիմնական մեթոդները

27 մարտի, 2014  13:27

Քանի որ արյան բարձր ճնշումը կամ հիպերտոնիան հիվանդություն է, որն, առաջին հերթին, կապված է ապրելակերպի հետ, ապրելակերպը փոփոխելով՝ կարող եք այն կարգավորել եւ հսկողության տակ պահել, ասում է խոլիստիկ բժշկության խորհրդատու Ժակլին Բենքսը:

Հիպերտոնիան ի հայտ է գալիս, երբ արյան ճնշումը միշտ բարձր է լինում՝ փոփոխելով  արյունատար անոթների գործառույթը եւ կառուցվածքը: Ինչպես հաղորդում է Fox News-ը՝  ըստ ԱՄՆ-ի հիվանդությունների կանխարգելման եւ վերահսկման կենտրոնների՝ մոտ 67մլն. ամերիկացի տառապում է արյան բարձր ճնշմամբ:

Հիպերտոնիան ազդում է կարեւոր կենարար օրգանների վրա, առաջ բերելով տարբեր կողմնային ազդեցություններ՝ կուրությունից մինչեւ երիկամների հիվանդություն: Այն նաեւ վնասում է  ուղեղի զարկերակները եւ անգամ կարող է  կաթվածի հասցնել: Ըստ Ամերիկայի սրտաբանության ասոցիացիայի՝ գոյություն ունեն մի շարք ռիսկային գործոններ հիպերտոնիայի համար՝ ավել քաշը, ֆիզիկական գործունեության սակավությունը, ծխելը,  հորմոնալ խանգարումները եւ ընտանեկան խնդիրները:

Զարկերակային ճնշումը կարող եք հսկողության տակ պահել՝ Ձեր սննդակարգի մեջ ավելացնելով որոշ ճնշումը իջեցնող մթերքներ:

Ավստրալական կենտրոնի՝ Baker IDI Heart and Diabetes Institute-ի հետազոտողները ցույց են տվել, որ օրական օգտագործելով մեկ բաժակ բազուկի հյութ՝ կարող եք  զգալիորեն իջեցնել  զարկերակային ճնշումը: Բազուկը պարունակում է բնական նիտրատներ, որոնք լավացնում են անոթների վիճակը՝ իջեցնելով  զարկերակային ճնշումը:

Նեխուրը պարունակում է ֆտալիդների ֆիտոքիմիկալիաներ, որոնք, ինչպես ցույց են տվել հետազոտությունները, թուլացնբում են զարկերակի պատերի մկանային հյուսվածքները, ինչն էլ իր հերթին լավացնում է արյան հոսքը եւ իջեցնում՝ արյան ճնշումը:

Ինչպես ցույց է տալիս հետազոտությունը՝ օրական օգտագործելով 10մգ ալեցին, որը պարունակում է սխտորը, կարող եք  3 ամսվա ընթացքում կարգավորել արյան ճնշումը: Դրա համար օրական պետք է ուտեք սխտորի 3-4 ատամիկ:

Լավ կլինի եթե շաբաթական հանգստացնող պրոցեդուրաների այցելեք եւ ոչ մի դեպքում բաց չթողնեք:

Իսկ օրվա ընթացքում, երբ ճնշված եք զգում Ձեզ, փակե՛ք աչքերը եւ սկսե՛ք խորը շնչել ու ոչնչի մասին մի՛ մտածեք, բացի շնչառությունից:

Միայն դրական բաների մասին մտածելով՝  այդ դրական էմոցիաները հաղորդվում են Ձեր ուղեղին եւ այն թուլանում ու հանգստանում է:

Ճնշման վրա իր դրական ազդեցությունն ունի նաեւ թեյը: Նախապատվությունը տվե՛ք  բուսական թեյին:

Հիբիսկուսի թեյը շատ ֆլավոնոիդներ է պարունակում,  միներալներով եւ  մի շարք ուրիշ  սննդարար նյութերով, այն իջեցնում է նաեւ արյան ճնշումը, ինչպես ցույց են տալիս որոշ հետազոտություններ։

Մեկ այլ հետազոտություն էլ ցույց է տալիս, որ  օրական օգտագործելով  մինչեւ 2 բաժակ ուլուն կամ կանաչ թեյ,  հիպերտոնիայի ռիսկը կարող եք նվազեցնել 46%-ով:

Ըստ  Archives of Internal Medicine –ում հրապարակված հոդվածի՝ օրական 3 բաժակ սեւ թեյը 6 ամսվա ընթացքում կարող է նվազեցնել  սիստոլիկ եւ դիաստոլիկ զարկերակային ճնշումը 2-3մմ սնդիկի սյունով:

Վերոնշյալ խորհուրդները, կանոնավոր կերպով վարժություններ կատարելը եւ  շաքարի օգտագործման նվազեցումը  կօգնեն Ձեզ իջեցնել արյան ճնշումը: Կարեւորը հետեւողական եւ համբերատար լինելն է. միգուցե Ձեզանից պահանջվի 3 ամիս արդյունքի հասնելու համար:

Եւ մի՛ մոռացեք կանոնավոր կերպով չափել ճնշումը եւ  թեկուզ փոքրիկ փոփոխության դեպքում՝ դիմել բժշկի:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Կարդացեք նաև
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է