• Latest news

Յուրաքանչյուր յոթերորդ երեխան 3 տարեկանում կարիեսով է տառապում

16 օգոստոսի, 2017  16:19

Մեծ Բրիտանիայում յուրաքանչյուր յոթերորդ երեխան 3 տարեկանում արդեն կարիեսով է տառապում, պարզվել է նոր հետազոտությամբ: 3 տարեկան փոքրիկների 14 տոկոսը կարիես ունի, լիցք արված կամ հիվանդությունների հետեւանքով արդեն ընկած ատամներ: Փորձագետներն ընդգծում են, որ ծնողները հաճախ չեն հասկանում իրենց երեխաների ատամները մաքրելու կարեւորությունը: Մինչդեռ մարդը որքան վաղ է վարժվում ատամները մաքրելուն, այնքան փոքր է ամենատարբեր հիվանդությունների առաջացման հավանականությունը, որոնք հայտնվում են նաեւ կաթնատամները հիմնականներով փոխարինվելուց հետո:

Քարդիֆի համալսարանից հետազոտության հեղինակները վերլուծել են 1400 ծնողների: Նրանց 75 տոկոսը իրենց երեխաների ատամները մաքրել է, ինչպես խորհուրդ է տրվում, օրը 2 անգամ: Բայց քանի որ հայրիկների եւ մայրիկների 25 տոկոսը չի մտահոգվել իրենց փոքրիկների բերանի խոռոչի հիգիենայով, ապա 3 տարեկանների 14 տոկոսն արդեն տառապել է կարիեսով, լիցք արված կամ ընկած ատամներ է ունեցել: Հետազոտության հեղինակներն ընդգծում են, որ Անգլիայում մոտ 8 հազար երեխաներ ամեն տարի ընդհանուր ցավազրկմամբ (կիրառվում է առանձնապես բարդ դեպքերում) մի քանի ատամ են հեռացնում, եւ այս թիվն անչափ լուրջ է: Այն այսքան մեծ չէր լինի, եթե այդ փոքրիկների ծնողները ուշադրություհն դարձնեին բերանի խոռոչի հիգիենայի վրա:

Գոյություն ունեն նաեւ մեծ թվով հայրիկներ եւ մայրիկներ, որոնք կարծում են, թե երեխաների կաթնատամներով մտահոգվելու կարիք չկա, քանի որ դրանք շուտով, միեւնույն է, կընկնեն: Սակայն սա սխալ մոտեցում է, քանի որ կարիեսով ախտահարված կաթնատամները ժամանակից շուտ են  ընկնում եւ փչանում, ինչի հետեւանքով հիմնական ատամների զարգացումը անհամաչափ է կատարվում: Արդյունքում՝ երեխաների մոտ հաճախ ծուռ ատամներ են հայտնվում, իսկ կաթնատամներին հատուկ հիվանդությունները հետագայում տարածվում են նաեւ հիմնական ատամների վրա:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է