• Latest news

Քաղցկեղի դեմ պայքարի նոր միջոց է հայտնաբերվել

14 ապրիլի, 2014  20:12

Քաղցկեղի որոշ տեսակներ խիստ կախված են օրգանիզմում պղնձի կոնցետրացիայից: Այս մետաղի ցուցանիշների վերահսկումը հիվանդության Աքիլեսյան գարշապարն է, հայտնում է Telegraph-ը: Պղնձի արգելակիչները օրգանիզմում հետագայում հնարավոր է դառնան հակաքաղցկեղային թերապիայի հիմքը:

BRAF գենի մուտացիայով քաղցկեղի աճի համար պղինձ է անհրաժեշտ: Այդ տեսակի ուռուցքի ամենատարածված ձեւը մելանոման է կամ մաշկի քաղցկեղը: Հիվանդությունը շատ ծանր է ընթանում՝ բարձր մահացությամբ:

Դյուկի համալսարանի բժշկական դպրոցի պրոֆեսոր Քրիստոֆեր Կաունտերի խոսքով՝ BRAF գենը մասնակցում է բջիջների կարգավորմանը եւ տարբերակմանը: Իսկ ագրեսիվ քաղցկեղային բջիջները ծայրահեղ չտարբերակված են: Երբ մուտացված BRAF գենը ստիպում է բջիջներին աճել, նրանք սկսում են զարգանալ անոմալ (ոչ բնականոն) ձեւով:

Լաբորատոր փորձարկումները ցույց են տվել, որ նշված մուտացիայով քաղցկեղային բջիջների կողմից պղնձի կլանման գործընթացի արգելակումը ճնշում է քաղցկեղի աճը: Նմանատիպ արդյունքների հնարավոր է եղել հասնել նաեւ դեղամիջոցը Վիլսոնի հիվանդության բուժման համար օգտագործելիս՝ գենետիկ հիվանդություն, որը բերում է հյուսվածքներում պղնձի կուտակման:

Գիտնականները համարում են, որ մելանոմայի բուժման շրջանակներում Վիլսոնի հիվանդության դեմ դեղամիջոցների օգտագործումը միանգամայն արդարացված է: Կլինիկական փորձարկումներն արդեն թույլատրված են, եւ շուտով Դյուկի համալսարանի թիմը պղնձի մակարդակը իջեցնող դեղամիջոցները կփորձարկի մելանոմայով հիվանդների մոտ:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է