• Latest news

Շագանակագեղձի քաղցկեղի բուժում սառեցմամբ

19 ապրիլի, 2014  13:56

Փորձագետները կարծում են, որ կրիոթերապիան՝ սառեցմամբ բուժումը, շագանակագեղձի քաղցկեղի որոշ դեպքերում կարող է քաղցկեղային բջիջների ոչնչացման բավականին արդյունավետ միջոց հանդիսանալ: Անհրաժեշտ է միայն ճիշտ օգտագործել նշված մեթոդը, այդ դեպքում բարդությունների վտանգը նվազագույնը կլինի:

«Մեթոդը մինիմալ ինվազիվ է, եւ չի պահանջում կտրվածքներ եւ սպիներ, -ասում է բժշկական գիտությունների դոկտոր, ուրոլոգ Դեյվիդ Լեվին: - Մենք չենք հեռացնում շագանակագեղձը, այն ուղղակի վերածվում է սպիական հյուսվածքի՝ պահպանելով բնականոն միզային ֆունկցիան»:

Կրիոթերապիայի լավ թեկնածուներ են շագանակագեղձի քաղցկեղի սկզբնական փուլում գտնվող տղամարդիկ: Բժիշկները նաեւ խորհուրդ են տալիս այս բուժումն այն հիվանդներին, ում ճառագայթումը չի օգնել, հայտնում է Քլիվլենդյան կլինիկայի կայքը:

Շատ մեծ շագանակագեղձի դեպքում կրիոթերապիան կարող է չօգնել, սակայն այդ դեպքերում կարելի է փոքրացնել գեղձը հորմոնային թերապիայի օգնությամբ:

Ահա թե ինչ է տեղի ունենում այդ միջամտության ժամանակ, որը կատարվում է ամբուլատոր՝ ընդհանուր անզգայացմամբ.

Բժիշկը հետանցքի եւ փոշտի միջեւ ընկած հատվածում 6-8 փոքրիկ ասեղ է տեղադրում՝ ուլտրաձայնային հսկողության ներքո, որպեսզի ապահովի ճիշտ տեղադրումը:

Արգոնային գազը սառեցնում է ասեղները եւ շագանակագեղձի հյուսվածքը՝ սպանելով քաղցկեղը: Միջամտությունից հետո հիվանդները կաթետերով տուն են գնում: Մեկ կամ 2 օր անց թույլատրված է չափավոր ֆիզիկական ծանրաբեռնածություն. Մեկ շաբաթ հետո հիվանդները գնում են կրկնակի այցի, որի ժամանակ կաթետերը հեռացվում է:

Հինգ շաբաթ անց ձեր բժիշկը կրկնակի PSA (շագանակագեղձին առանձնահատուկ անտիգեն) թեստ է անց կացնում, համոզվելու համար, որ ցուցանիշը 0,4-ից ցածր է:

Շագանակագեղձի քաղցկեղի ցանկացած բուժման դեպքում հնարավոր կողմնակի ազդեցությունները ներառում են անմիզապահություն, էրեկտիլ ֆուկցիայի խանգարում, աղիների գործունեության խանգարում եւ հորմոնային թերապիայի հետ կապված այլ կողմնակի հետեւանքներ: Կրիոթերապիայի ժամանակ բժշկի՝ ասեղները տեղադրելու ճշգրտությունը օգնում է նվազագույնի հասցնել կողմնակի հետեւանքները:

Ճառագայթային բուժման հետ համեմատած կրիոթերապիան իջեցնում է աղու փոփոխությունների եւ միզապարկի ֆունկցիայի խանգարման վտանգը:

 

 

 

Հետևեք NEWS.am Medicine-ին Facebook-ում և Twitter-ում


 
  • Կարդացեք նաև
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է