Տարիքի հետ մազերի գեղեցկությունը պահպանելու համար մեզ անհրաժեշտ է դրանք հատուկ խնամել, քանի որ ժամանակի հետ մազաթելերը ավելի բարակ են դառնում եւ այլեւս չեն վերականգնվում: Պիգմենտային բջիջները դադարում են անհրաժեշտ քանակությամբ պիգմենտ արտադրել: Մազի ֆոլիկուլը խթանող հորմոնների քանակը քչանում է: Դրան են գումարվում նաեւ մազերի ներկից վնասումները:
Սակայն կան քայլեր, որոնք կանայք կարող են նախաձեռնել դաշտանադադարից հետո, որպեսզի փոխհատուցեն այս բնական փոփոխությունները, ասում է բժշկական գիտությունների դոկտոր, մաշկաբան Վիլմա Բերգֆելդը healthclevelandclinic.org կայքում: «Դուք ինքներդ կարող եք քայլեր նախաձեռնել ձեր մազերն ամրապնդելու եւ վերականգնելու համար՝ դրանք փայլուն եւ առողջ դարձնելով»,- ասում է նա: Բժիշկ Բարգֆելդը առաջարկում է հետեւյալ խորհուրդները, որպեսզի ձեր մազերը ցանկացած տարիքում ձեզ դուր գան.
1. Դրանք հաճախակի մի լվացրեք
Չի կարելի շամպունի չափազանց շատ քանակություն օգտագործել, սակայն շաբաթական 2 անգամ լվանալու ընթացքում գլխի մաշկը անհրաժեշտ է մանրակրկիտ մերսել:
2. Մի մոռացեք կոնդիցիոներների մասին
Դրանք ամրացնում են մազերը՝ մեծ ծավալ ապահովելով:
3. Եթե դուք ներկում եք մազերը ապա ընտրեք ներկված մազերի համար միջոցներ
Հատուկ՝ ներկված մազերի համար շամպուններ եւ կոնդիցիոներներ օգտագործեք:
4. Ճիշտ սնվեք
Տարիքի հետ մարդիկ սկսում են քիչ ուտել, փոքր չափաբաժիններով, ասում է բժիշկ Բերգֆելդը: «Սովորաբար եթե որեւէ մեկն ասում է, որ ինքը առողջ դիետա է պահպանում, պարզվում է, որ նա սահմանափակ դիետայի վրա է»,- ասում է նա:
5. Սպիտակուցի անհրաժեշտ քանակություն օգտագործեք
Բժիշկ Բերգֆելդը խարհուրդ է տալիս շաբաթը մի քանի անգամ մի քիչ անճարպ կարմիր միս ուտել:
6. Ձեր ընդունած դեղերը համաձայնեցրեք ձեր բժշկի հետ
Խորհրդակցեք ձեր բժշկի հետ այն մասին, թե ինչպես կարող են ձեր դեղերն ազդել մազերի վիճակի վրա, եւ խորհուրդ հարցրեք թե ինչպես կարելի է հակազդել անցանկալի հետեւանքներին:
«60 կամ 70տարեկանում ոչ ոք այնպիսի մազեր չի ունենում, ինչպես 15-ում, ասում է բժիշկ Բերգֆելդը: - Ահա թե ինչու է այդքան կարեւոր տարիքի հետ հոգ տանել մազերի մասին»:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր