• Latest news

Ամերիկացուն վերադարձրել են տեսողությունը «բիոնիկական աչքի» շնորհիվ (ֆոտո)

24 ապրիլի, 2014  14:01

Ամբողջությամբ կույր ամերիկացին վերադարձրել է տեսողության մի մասը նոր ակնային պրոթեզի տեղադրման շնորհիվ: Ռոջեր Պոնտցը դեռեւս դեռահաս տարիքում ձեռք է բերել աչքերի դեգեներատիվ հիվանդություն՝ պիգմենտային ռետինիտ՝ ցանցաթաղանթի լուրջ վնասումների հանդեպ գենետիկական նախատրամադրվածության, որը հաճախ կուրության է բերում: Սակայն այժմ, «բիոնիկ աչքի» վիրաբուժական իմպլանտացիայի բարձր տեխնոլոգիական միջամտության շնորհիվ նա կարողացել է տեսնել կնոջ, թոռնիկի եւ նույնիսկ կատվի ուրվագծերը, հաղորդում է Fox News-ը:

«Դա ցնցող է: Այնքան հետաքրքիր է ամեն օր ինչ-որ նոր բան տեսնել»,- ասել է Պոնտցը: 55-ամյա նախկին ծանրամարտիկը եւ գործարանի աշխատողը ԱՄՆ-ում արհեստական ցանցաթաղանթ ստացած 4 մարդկանցից մեկն է այն բանից հետո, երբ ԱՄՆ սննդամթերքի եւ դեղորայքի վերահսկման գործակալությունը անցյալ տարի թույլատրել է դրա օգտագործումը:

Պիգմենտային ռետինիտը ժառանգական հիվանդություն է, որը բերում է տեսողության դանդաղ բայց զարգացող կորստի՝ ցանցաթաղանթի բջիջների լուսազգայնության աստիճանաբար կորստի հետեւանքով: Հիվանդները սկզբից կորցնում են կողմնային եւ գիշերային տեսողությունը, այնուհետեւ՝ կենտրոնական տեսողությունը, ապա ամբողջությամբ կուրանում են:

Պոնտցի ձախ աչքում տեղադրված արհեստական իմպլանտատը  Second Sight ընկերության ստեղծած համակարգի մաս է հանդիսանում. նրանում ընդգրկված են հատուկ ակնոցներին ամրացված ոչ մեծ տեսախցիկ եվ հաղորդիչ:

Տեսապատկերը տեսախցիկից վերածվում է էլեկտրական ազդակների շարքի, որոնք անլար ցանցով հաղորդվում են ցանցաթաղանթի մակերեսի էլեկտրոդներին: Ազդակները խթանում են ցանցաթաղանթի մնացած առողջ բջիջները՝ ստիպելով նրանց վերահաղորդել ազդակը տեսողական նյարդին:

Այնուհետեւ տեսողական ինֆորմացիան հաղորդվում է գլխուղեղ, որտեղ վեր է ածվում լուսային ուրվագծերի, որոնք կարելի է ճանաչել եւ մեկնաբանել՝ ինչը թույլ է տալիս հիվանդին վերականգնել որոշ տեսողական ֆունկցիաներ:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է