• Latest news

Հայաստանում մայիսի 12-ին առաջին անգամ նշվելու է Լնդերի առողջության օրը

9 մայիսի, 2019  19:32

Հայաստանն առաջին անգամ միանում է Լնդերի առողջության օրվա (Gum Health Day) համաշխարհային ակցիային: Այն անցկացվում է Պերիоդոնտոլոգների եվրոպական ֆեդերացիայի (EFP) նախաձեռնությամբ, եւ այս տարի միավորում է աշխարհի շուրջ 45 երկրի:

2019 թվականին Gum Health Day-ն առաջին անգամ նշելու են նաեւ Հայաստանում: Մայիսի 12-ին լնդերի առողջության մասին բնակչության տեղեկացվածության մակարդակի բարձրացմանն ուղղված միջոցառումը կանցկացվի Երեւանի կենտրոնում՝ Շառլ Ազնավուրի անվան հրապարակում: Հայաստանի Պերիоդոնտոլոգների ասոցիացիայից NEWS.am Medicine-ին հայտնեցին, որ միջոցառման շրջանակում հնարավոր կլինի ոչ միայն կարեւոր տեղեկություններ ստանալ լնդերի խնամքի սկզբունքների մասին, այլեւ անձամբ շփվել պերիոդոնտոլոգիայի ոլորտի փորձագետների հետ: Դրանից բացի, միջոցառման շրջանակում հաճելի անակնկալներ են սպասվում:

Մայիսի 13-18-ին Երեւանում եւ երկրի այլ քաղաքներում, Gum Health Day-ին ներգրավված ատամնաբուժական կլինիկաներում կկազմակերպվեն անվճար խորհրդատվություններ: Հավելենք, որ հանրապետությունում Լնդերի առողջության օրը կազմակերպվում է Հայաստանի Պերիоդոնտոլոգների ասոցիացիայի նախաձեռնությամբ:

EFP-ն նշում է, որ լնդերի առողջությունը կարեւոր ցուցանիշ է՝ հաշվի առնելով այն, որ լնդերի հիվանդությունները կապված են լուրջ քրոնիկական հիվանդությունների, ներառյալ դիաբետի, սիրտ-անոթային եւ ուղեղավասկուլյար հիվանդությունների հետ: Դրանից բացի, լնդերի առողջությունը կարեւոր դերակատարում ունի նաեւ էսթետիկական տեսակետից:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է