Անսպասելի կապ է հայտնաբերվել քնի եւ հաջող ձեռներեցության միջեւ

Կենտրոնական Ֆլորիդայի համալսարանի գիտնականները կապ են հայտնաբերել քնի տեւողության եւ հաջող ձեռներեցության միջեւ:

Հետազոտության առաջատար հեղինակ Ջեֆ Գիշը նշում է. «Ձեռներեցների համար որակյալ քունն ավելի կարեւոր է, քանի որ ուղղակիորեն ազդում է նրանց հաջողության վրա»:

Հետազոտությանը ներգրավվել են աշխարհի տարբեր երկրներից 700 ձեռներեցներ: Փորձի համար գիտնականները պատրաստել են մի քանի բիզնես գաղափարներ եւ փորձարկվողներին խնդրել գնահատել դրանց պոտենցիալ հեռանկարայնությունը: Ընդ որում՝ կամավորները պետք է մեկ օրում ուսումնասիրեին երեք նախագիծ: Պարզվել է, որ նրանք, ովքեր լիարժեք չեն քնել, կարող էին չնկատել խոստումնալից նախագիծը:

Այնուհետեւ բզնես գաղափարներին ծանոթանալու համար ձեռներեցներին տրամադրվել է մի քանի շաբաթ, ընդ որում՝ նրանք պետք է մանրամասն հայտնեին իրենց քնի ռեժիմի մասին: Պարզվել է, որ նրանք, ովքեր քնին օրական 7 ժամից ոչ պակաս են հատկացրել, մեծ ճշգրտությամբ էին որոշում ամենաշահեկան նախագծերը: Ավելի քիչ ժամ քնած բիզնեսմենները դրված խնդիրը զգալիորեն վատ են հաղթահարել:

Այսպիսով, քնի պակասը աղավաղում է բիզնես գաղափարի կոմերցիոն ներուժի մասին պատկերացումները:

Հետազոտության արդյունքներով գիտական աշխատանքը հրապարակվել է Journal of Business Venturing պարբերականում:

Հետևեք NEWS.am Medicine-ին Facebook-ում և Twitter-ում