• Latest news

Յուրաքանչյուր 40 վայրկյանը մեկ ինքնասպանություն է կատարվում․ ԱՀԿ

9 սեպտեմբերի, 2019  20:01

Յուրաքանչյուր 40 վայրկյանը մեկ ինքնասպանություն է կատարվում ։ Այս մասին հայտարարել է Առողջապահության համաշխարհային կազմակերպությունը՝ նշելով, որ ամեն տարի ինքնասպանությունների հետեւանքով ավելի շատ մարդ է մահանում, քան պատերազմում։

ԱՀԿ-ի տվյալներով, ինքնասպանության ամենատարածված ձեւերն են՝ կախվելը, թունավորումը եւ կրակոցը։ Կազմակերպությունը կոչ է անում կառավարություններին ինքնասպանությունների պրոֆիլակտիկայի ծրագրեր ընդունել, որպեսզի կարողանան օգնել մարդկանց հաղթահարել սթրեսները եւ նվազեցնել ինքնասպանության միջոցների հասանելիությունը։

Նոր զեկույցի համաձայն, տարեկան ինքնասպանությունից մահանում է 800 000 մարդ։

ԱՄՆ-ում առողջապահության պաշտոնյաները կոչ են անում խստացնել զենքի վերահսկողությունը, որպեսզի սահմանափակվի մահաբեր միջոցների հասանելիությունը, այն դեպքում երբ ԱՀԿ-ի զեկույցում մեջբերվում է պեստիցիդների օգտագործման արգելքը, որոնք մարդիկ օգտագործում են թունավորման համար, որպեսզի 70 տոկոսով կրճատվեն ինքնասպանությունները։

«Ինքնասպանությունը հասարակական առողջապահության գլոբալ խնդիրներից է։ Այն վերաբերում է բոլոր տարիքներին, սեռերին եւ աշխարհի տարածաշրջաններին»,- ասվում է ԱՀԿ-ի զեկույցում։ Դրանից ավելի շատ են մահանում, քան մալարիայից, կաթնագեղձի քաղցկեղից, պատերազմից կամ սպանություններից։

Ինքնասպանությունը 15-29 տարեկան երիտասարդների, ինչպես նաեւ 15-19 տարեկան աղջիկների շրջանում մահվան դեպքերի երկրորդ պատճառն է՝ ճանապարհատրանսպորտային պատահարներից հետո։

Ինքնասպանությունների գլոբալ ցուցանիշները վերջին տարիներին՝ 2010-2016թթ․, նվազել են 9,8 տոկոսով, սակայն այդ նվազումը միանշանակ չէ։ Օրինակ, Հյուսիսային եւ Հարավային Ամերիկայում ցուցանիշը նույն տարիներին աճել է 6 տոկոսով։

Զեկույցում նշվում է, որ հարուստ երկրներում տղամարդիկ երեք անգամ ավելի շատ են ինքնասպան լինոււմ, քան կանայք՝ ի տարբերություն եկամտի միջին եւ ցածր մակարդակ ունեցող երկրների, որտեղ ցուցանիշներն առավել հավասար են։

«Ինքնասպանությունները կարելի է կանխել,- ասել է ԱՀԿ-ի գլխավոր տնօրեն Տեդրոս Ադխանոմ Գեբրեսուսը,- Մենք կոչ ենք անում բոլոր երկրներին առողջապահական եւ կրթական ազգային ծրագրերում ներառել ինքնասպանությունների կանխման ստուգված մարտավարությունները»։

ԱՀԿ-ն հայտարարել է, որ պեստիցիդներին հասանելիության սահմանափակումը ինքնասպանությունների կրճատման ամենաարդյունավետ միջոցներից է։

ԱՀԿ-ն մատնացույց է արել Շրի Լանկայի հետազոտությունները, որտեղ 1995-2015թթ․ պեստիցիդների արգելքը հասցրել է ինքնասպանությունների թվի 70 տոկոս կրճատմանը եւ մոտ 93 000 կյանքերի փրկմանը։

ԱՄՆ-ում վերջերս կատարված հետազոտությունը ցույց է տվել, որ 1999 թվականից ինքնասպանությունների մակարդակը աճել է 40 տոկոսով։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել