• Latest news

Երիկամային քարերը հատկապես ամռա՞նն են ցավ պատճառում

8 հուլիսի, 2014  15:02

Ամառային սեզոնը պաշտոնապես բացվել է, սակայն երիկամային քարերը նույնիսկ մի փոքր ավելի վաղուց են ակտիվացել: Բժիշկներից շատերը համոզմունք ունեն, որ եղանակի տաքացմանը զուգահեռ դրանց պատճառած ցավն առավել նկատելի է դառնում:

Երիկամային քարերը կարծր, երբեմն էլ՝ սրածայր, միներալներից եւ աղաթթուներից բաղկացած գոյացություններ են, որոնք կարող են, երիկամից միզածորան անցնելով, անտանելի ցավեր առաջացնել:

Սեզոնային տեղաշարժեր

Երիկամային քարեր ունեցողները ամռան ամիսներին առավել հաճախ են, ցավից դրդված, շտապ օգնության բաժանմունքներում հայտնվում: Հետազոտությունները ցույց են տվել, որ հիշյալ քարերը առավելապես ձմռան ամիսներին են առաջանում, երբ մեզի բաղադրության մեջ առավել մեծ քանակությամբ կալցիում է նկատվում: Հայտնի է, որ երիկամայի քարերի գոյացման դեմ պայքարի լավագույն միջոցը ֆիզիկական ակտիվությունն է: Ահա թե ինչու են դրանք հատկապես ձմռան ամիսներին ի հայտ գալիս. չէ՞ որ ցուրտ եղանակին համեմատաբար ցածր ակտիվություն ենք ցուցաբերում:  

Իսկ ամռանը, բարձր ջերմաստիճանի ազդեցությամբ, երիկամային քարերի տեղաշարժ է խթանվում, ինչն էլ հիվանդներին այդքան մեծ անհանգստություն պատճառող ցավերի սկզբնաղբյուրն է:

Բուժօգնություն

Երբ երիկամային քարի մակերեսը հարթ չէ (իսկ այն հիմնականում հարթ չի լինում), երիկամից միզածորան անցնելու դեպքում այն կարող է անտանելի ցավ պատճառել: Քարի ծավալը եւս մեծ նշանակություն ունի: Այն կարող է ինչպես ավազահատիկի, այնպես էլ սիսեռի չափեր ունենալ. երկրորդ դեպքում, բնականաբար, բուժօգնությունից խուսափել չի ստացվի: 

Տեղաշարժվող քարը կարող է նաեւ արյունահոսություն, բարձր ջերմություն, տենդ, սրտխառնող եւ միզելու անդադար ցանկություն առաջացնել:

Ջուր խմեք

Եթե մի անգամ քար եք ունեցել, առաջիկա հինգ տարիների ընթացքում եւս մեկի առաջացման հավանականությունը շուրջ 50 տոկոս է կազմում: Ընդ որում, ռիսկի մակարդակը տարիքի հետ աճ է գրանցում:

Երիկամային քարի առաջացման ռիսկային խմբին ներառված մարդիկ պետք է օրական առնվազն 12 բաժակ ջուր խմեն, հատկապես՝ ամռան ամիսներին: Այդ կերպ կկարողանաք օրգանիզմում առկա՝ քարերի մեծ մասի զարգացման համար պատասխանատու կալցիումի օքսալատները տարրալուծել:

Հետևեք NEWS.am Medicine-ին Facebook-ում և Twitter-ում


 
  • Կարդացեք նաև
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է