5 մոլորություններ, որոնք կարող են քաշի ավելացման հանգեցնել

Ավելի քան երկու տասնամյակ առաջ 20-ամյա Լիզա Լիննը պատկերացում անգամ չուներ, թե ինչպես է 18 կգ-ի չափով հավելյալ քաշ ձեռք բերել: Չէ՞ որ միայն ոչ կենդանական ծագմամբ սննդակարգ էր պահպանում եւ օրը երեք ժամ մարզվում, իսկ կիլոգրամներն ավելանում էին ու ավելանում:

«Հավելյալ քաշից ազատվելու անօգուտ փորձերի արդյունքում աստիճանաբար դեպրեսայի եւ հուսահատության մեջ էի ընկնում», - Newsmax Health-ի թղթակցին պատմել է «Նյութափոխանակության լուծումները» վերտառությամբ գրքի հեղինակը:

Քաշի հետ կապված խնդիրների լուծման փնտրտուքը Լիզային այն եզրահանգման է բերել, որ սննդակարգի եւ ֆիզիկական ակտիվության վերաբերյալ տարածված համոզմունքների մեծ մասն իրականում մոլորությունների արդյունք են: Այսօր արդեն, 46 տարեկան հասակում, նա հավելյալ քաշի հետ կապված ոչ մի խնդիր չունի եւ կենսագործունեության համար լավագույն կազմվածքն է ձեռք բերել:

«Եթե լրջորեն մտադիր եք քաշ գցել եւ մարմնի հավելյալ ճարպերից ազատվել, ստիպված պետք է լինեք լավ կազմվածքի պահպանմանը միտված բոլոր՝ նախապես ստացված խորհուրդներից հրաժարվել», - ասում է նա: 

Ստորեւ հինգ մոլորություններ ենք ներկայացնում, որոնք, ըստ Լիզա Լիննի, կարող են քաշի ավելացում հրահրել:

1. Հավելյալ քաշի արագ կորուստը կարող է վատ ազդեցություն ունենալ. իրականությունը ճիշտ հակառակ պատկերն է ներկայացնում: Առողջության համար բավարար սնունդ ընդունելով՝ այնպես, որ սովամահ չլինեք, կարելի է հրաշալի արդյունքների հասնել: Պարզապես համոզվեք, որ սպիտակուցներով եւ ճարպերով հավասարակշռված սննդակարգ եք պահպանում:

2. Բոլոր տիպի ֆիզիկական վարժությունները քաշի կորստի են հանգեցնում. իրականում, որոշ վարժություններ կարող են քաշի կորստի դադարեցման հանգեցնել, քանի որ ֆիզիկական ծանրաբեռնվածությունը սթրեսի աճ եւ հետեւաբար՝ արյան մեջ շաքարի բաղադրության նվազեցում են խթանում, ինչի արդյունքում կարող եք անհաղթահարելի քաղց զգալ: Ուստի լավագույն վարժությունները նրանք են, որոնք առանց քաղցի զգացում առաջացնելու են կալորիաներ վառում:

«Լավագույն արդյունքի հասնելու համար հարկավոր է մարմնի բոլոր հատվածները, մասնավորապես՝ թե ձեռքերը, եւ թե ոտքերը մարզել», - բացատրում է Լիզա Լիննը:

3. Որքան շատ են մարզումները, այնքան արդյունքները՝ լավ. ֆիզիկական ծանրաբեռնվածության չարաշահման արդյունքում կարող եք ստիպել ձեր օրգանիզմին, որպեսզի, որպես դիմակայման մեխանիզմ, առավել մեծ քանակությամբ ճարպ հավաքի: Բայց այդ, կարող եք իմունային համակարգի համար սպառնալիք ներկայացնող ծավալներով ֆիզիկական սթրես հրահրել:

Հաջողության հասնելու համար հարկավոր է 90 տոկոսով սննդակարգի վրա հիմնվել եւ ընդամենը 10 տոկոսի չափով՝ ֆիզիկական վարժությունների: Վատ սննդակարգը հնարավոր չէ ֆիզիկական ծանրաբեռնվածությամբ փոխհատուցել:

4. Բոլոր ճարպերը նույնանման հատկանիշներ ունեն. որոշ ճարպեր համեմատաբար արագ են սպառվում, ինչպես որ վառելիքի տեսակներն են տարբեր կերպ վառվում, նկատել է Լիննը: 

Հարկավոր է նախ եւ առաջ կենդանական ծագում ունեցող ճարպերից խուսափել (կարմիր միս, կարագ, պանիր): Ձիթապտուղը, ընկույզը, կանադական յուղը առավել առողջարար ճարպեր են պարունակում:

5. Պատկան մարմինները սննդակարգի վերաբերյալ ճիշտ խորհուրդներ են տալիս. հիշյալ խորհուրդներին հետեւելու դեպքում միգուցե նաեւ հավելյալ քաշ ձեռք բերեք:

Որպեսզի որոշեք, թե ինչ պետք է օրվա ընթացքում ուտել, հարկավոր է նախ ցանկալի քաշի (չափման միավորը՝ ֆունտ – խմբ.) մասին պատկերացում կազմել եւ այն 10-ով բազմապատկել՝ պարզելու համար, թե օրական որքան կալորիա կարելի է ընդունել: 

Օրինակ՝ եթե ցանկանում եք 150 ֆունտ (68 կգ) կշռել, օրվա ընթացքում կլանված սննդի կալորիականությունը առավելապես 1500 միավոր պետք է կազմի:  

Հետևեք NEWS.am Medicine-ին Facebook-ում և Twitter-ում