• Latest news

Բուժիչ հումոր. ուրոլոգ Ռուբեն Հովհաննիսյանի «հաբերը»

11 հուլիսի, 2014  23:36

Լապորոսկոպիկ ուռոլոգիայի կենտրոնի ղեկավար Ռուբեն Հովհաննիսյանը միայն բարձր պրոֆեսիոնալիզմով չէ, որ աչքի է ընկնում: Նրա ընդունակությունների եւ տաղանդների շարքում, ներառյալ ստեղծագործելու վարպետությունը, հումորի սուր զգացումն առանձնակի տեղ է զբաղեցնում: Իսկ հումորը, ինչպես ասում են, եւ բուժում է, եւ կյանքը երկարացնում: Այնպես որ, կարելի է ասել` Ռուբեն Հովհաննիսյանը միաժամանակ բոլոր ուղղություններով է բուժում: Եվ հիմա, բոլոր նրանց, ովքեր այս կամ այն խնդիրը ունեն, բժշկի կողմից նշանակված հումորային հաբերն ենք առաջարկում.

***

Հիվանդներիցս մեկի մոտ շագանակագեղձի քաղցկեղ էի կասկածում, այնպես որ հարկավոր էր բիոպսիայի դիմել, ինչը հետանցքի միջով է իրականացվում: Ախտորոշումը, ցավոք սրտի, հաստատվեց: Ավելի վշտացա` պարզելով, որ քաղցկեղը բավականաչափ զարգացել է եւ, ինչպես նման դեպքերում է արվում, երկու ամորձիների հեռացում, այսինքն` ամլացում է հարկավոր: Բացատրում եմ ստեղծված իրավիճակը` կնոջ ներկայությամբ, ուսերիս ծանրություն է նստել, եւ ահա կինը, միանգամայն լրջորեն, շրջվում է ու հարցնում.

- Ռուբեն Հովհաննեսովիչ, ամորձիներն էլ ե՞ք հետանցքից հեռացնելու:

***

Գործընկերս` Կարինա Վալերիեւնան, գեղեցիկ աղջիկ է, անչափ կանացի, ուսերին փռված շեկ մազերով, կապույտ աչքերով: Մի օր, կաբինետում նստած, հերթական ծանր աշխատանքային օրն ենք ամփոփում: Մեկ էլ` դուռը բացվում է, եւ հիվանդներից մեկն է ներս մտնում: Բայց ոչինչ չի ասում, մի երեսուն վայրկյանի չափ լուռ կանգնում է. մենք էլ խոսելու ցանկություն չունենք, սպասում ենք` ասի, թե ում մոտ է եկել: Իսկ նա սկզբից գործընկերոջս է նայում, հետո ինձ, հետո էլի Կարինա Վալերիեւնային ու հարցնում.

- Հիմա Ռուբեն Հովհաննեսովիչը ձեզնից ո՞ր մեկն է:

***

Հիվանդին բացատրում եմ, որ չափազանց բարդ, վտանգավոր լապարոսկոպիկ վիրահատության պետք է ենթարկվի` մեկ միլիոն դրամի դիմաց:  Հարցնում է. «Բժիշկ ջան, բայց ինչո՞ւ այդքան թանկ»: Կատակով պատասխանում եմ` որովհետեւ ադրենալինը թանկ արժի: Երեք օր անց զանգում է ու նեղսրտած ասում. «Ես պարզել եմ, որ ադրենալինը Հայաստանում գրանցված չէ, բայց Մոսկվայից կարելի է ձեռք բերել, ու շատ էժան գներով, կոպեկներ արժի, իսկ Դուք` բժիշկ, աչքակապություն էիք անում` ադրենալինը թանկ արժի` դրա համար էլ վիրահատության արժեքը բարձր է»: Հանգիստ պատասխանում եմ. «ԻՄ ադրենալինը թանկ արժի»:

***

Հիվանդներիցս մեկի մոտ երիկամի հեռացումից հետո փորկապություն էր սկսվել: Վիրահատությունը լապարոսկոպիկ էր եղել, այսինքն` նվազագույն ազդեցությամբ, իսկ մարդն արդեն քանի օր է` չէր կարողանում դուրս գալ: Դեղեր նշանակեցինք` էլի անարդյունք: Եւ ահա, մի քանի օր տեւած տանջանքներից հետո, զանգում է եւ ուրախությունից գոռում.

- Բժիշկ ջան, վերջապես` դուրս եկա. собственноручно!

***

Երեկոյան ժամը տասնմեկին մոտ բջջային հեռախոսիս զանգ է գալիս: «Բարեւ Ձեզ, բժիշկ, հիվանդ ենք բերում Ձեզ մոտ, շատ ծանր է, շուտով կլինենք»: Ասում եմ, որ արդեն հիվանդանոցում չեմ, իսկ հերթապահ ուռոլոգ չենք պահում, այնպես որ ավելի լավ է` ուրիշ հիվանդանոց տանեն: Իսկ մյուս ծայրից չեն հանդարտվում. «Բժիշկ ջան, չասացինք` այդքան շուտ, Հունաստանից երկու օր առաջ ենք դուրս եկել…»: 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է