• Latest news

Դպրոցական աղջնակը չորս անգամ հասցրել է հղիություն ընդհատել

19 հուլիսի, 2014  21:31

Բրիտանացի դպրոցական մի աղջնակ մինչեւ 16-րդ տարեդարձի լրանալը չորս անգամ հասցրել է հղիություն ընդհատել, հաղորդում է Daily Mail-ը:

Թագավորության վիճակագրական ծառայության տվյալներով, 16 տարեկանը չլրացած 200 բրիտանուհիներ վերջին երեք  տարիներին կրկնակի աբորտի դիմելու «փորձ» են ձեռք բերել:  Իսկ ահա եռակի աբորտ իրականացրած անչափահասների թիվը 5 է կազմում:

Միայն 2011թ.-ին 16 տարեկանի շեմը չհատած 84 դեռահասներ նվազագույնը երկրորդ անգամ հղիությունը դադարեցնելու ցանկություն են հայտնել: 2012թ.-ին ցուցանիշը 89 է կազմել, 2013-ին՝ 68:

Այդուհանդերձ, ապշեցուցիչ վիճակագրական տվյալներին ֆոնին բրիտանացիների մտահոգություն է պատճառում այն հանգամանքը, որ դեռահաս աղջիկները հակաբեղմնավորիչների փոխարեն նախընտրում են հղիության դադարեցման տարբերակը ընտրել: Կամ էլ՝ չպաշտպանված սեռական հարաբերությունների մեջ մտնելիս հետեւանքների մասին չեն մտածում:

Սակայն դա դեռ չի նշանակում, որ չափահաս տարիքի կանանց մոտ ամեն ինչ նորմալ է: Միայն 2013թ.-ին 185331 բրիտանուհիներ աբորտի օգնությանն եn դիմել, որոնցից 50-ը՝ նվազագույնը իններորդ անգամ:

Իսկ ահա ընթացիկ տարվա առաջին ամիսներին 13 տարեկան աշակերտուհու հղիության մասին էր տեղեկություն հաղորդվել: Դատարանի որոշմամբ, անչափահասին հղիության ճակատագիրը ինքնուրույն որոշելու իրավունք էր վերապահվել:

Փորձագետների համոզմամբ, ամենամեծ խնդիրն այն է, որ դեռահասները երեխային պահելու կամ հղիությունը դադարեցնելու մասին որոշում կայացնելու իրավունք ունեն:

Վերջին դեպքում 13-ամյա աղջնակը միայն տատիկի շնորհիվ է հասկացել, որ պատրաստվում է մայր դառնալ: Մինչ այդ կարծում էր, թե գիրացել է մի փոքր: Սակայն բժշկական հետազոտությունները հաստատել են տատիկի վարկածը, ինչին ի պատասխան հղիության 21-րդ շաբաթը հատած աղջիկն անմիջապես հայտարարել է, թե պատրաստ չէ ընտանիք կազմել եւ հղիությունը դադարեցնելու ցանկություն ունի:

Իսկ դատարանը «համարձակ» քայլն արգելելու իրավասություն չի գտել իր մեջ…

Հետևեք NEWS.am Medicine-ին Facebook-ում և Twitter-ում


 
  • Կարդացեք նաև
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է