• Latest news

Քանի՞ մարդ աշխարհում կորոնավիրուսի դեմ իմունիտետ ունի

21 սեպտեմբերի, 2020  20:54

SARS-CoV-2 կորոնավիրուսի դեմ խաչաձեւ իմունիտետով մարդիկ կարող են լինել ավելի շատ, քան նախկինում կարծում էին: Երկրագնդի բնակչության շուրջ 20-50%-ը կարող է անընկալունակ լինել COVID-19-ի հանդեպ: Այս մասին հաղորդվում է The British Medical Journal-ում հրապարակված հոդվածում:

Lenta.ru-ն հայտնում է, որ 2015-2018 թթ․ ԱՄՆ-ում վերցված դոնորական արյան նմուշների կեսը պարունակել է SARS-CoV-2-ի նկատմամբ ռեակտիվ T-բջիջներ: Իմունային համակարգի ռեակտիվությունը հայտնաբերվել է նաեւ Նիդեռլանդներում 10 մարդուց 2-ի մոտ, ովքեր երբեք չեն վարակվել կորոնավիրուսով: Գերմանիայում ռեակտիվ T-բջիջները հայտնաբերվել են SARS-CoV-2-ի հանդեպ սերոնեգատիվ առողջ 68 դոնորներից 23-ի մոտ: Կորոնավիրուսի իմունիտետը, որը հենց կորոնավիրուսից չի առաջացել, նաեւ հայտնաբերվել է Սինգապուրում, Մեծ Բրիտանիայում եւ Շվեդիայում:

Հետազոտողների կարծիքով՝ այս երեւույթի պատճառ կարող են լինել սովորական կորոնավիրուսները, որոնք սեզոնային մրսածություն են առաջացնում: Այս դեպքում ձեւավորվում է խաչաձեւ իմունիտետ, երբ պաթոգենը նպաստում է ազգակից պաթոգենի նկատմամբ իմունային պատասխանի զարգացմանը:

Մի շարք գիտնականներ ենթադրում են, թե ռեակտիվության որոշ դեպքեր կարող են առաջանալ անհայտ ծագմամբ կորոնավիրուսների պատճառով, որոնք, որպես կանոն, վարակում են կենդանիներին:

 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է