• Latest news

2 հիմնավոր պատճառ՝ աղը պատրաստի կերակուրների վրա ցանելու համար

28 օգոստոսի, 2014  19:28

Աղը, հատկապես՝ յոդավորված աղը, ցանկալի է միայն պատրաստի կերակուրների վրա ցանել, խորհուրդ է տալիս դիետոլոգ-էնդոկրինոլոգ Հասմիկ Աբովյանը: NEWS.am Medicine-ի թղթակցի հետ զրույցի ընթացքում մասնագետը նշել է, որ կերակրի պատրաստման ընթացքում աղի ավելացումը ծայրահեղ անցանկալի երեւույթ է հանդիսանում՝ հետեւյալ երկու պատճառներով.

Յոդը ուտեստի եփման ընթացքում գոլորշիանում է

Յոդավորված աղը մի շարք երկրներում, այդ թվում նաեւ՝ Հայաստանում վահանաձեւ գեղձի նորմալ գործունեության համար անհրաժեշտ յոդի սահմանափակ թվով աղբյուրներից մեկն է հանդիսանում, ուստի մասնագետները խորհուրդ են տալիս սնվելիս հատկապես յոդավորված աղ օգտագործել: Սակայն խնդիրն այն է, որ ջերմային մշակման ընթացքում (եփում, տապակում, եւն) աղի մեջ առկա յոդը գոլորշիանում է: Այսինքն՝ եփված կամ տապակած ուտեստի պատրաստման ընթացքում ավելացվելիս այն ի վերջո մարդու օրգանիզմ չի անցնում:

Հենց դա է գլխավոր պատճառներից մեկը, թե ինչու են մասնագետները խորհուրդ տալիս աղը միայն պատրաստի ուտեստի վրա ցանել: Չէ՞ որ այդ պարագայում յոդի գոլորշիացում չի կարող լինել: Թեեւ որոշ մասնագետներ էլ գտնում են, որ աղի ավելացումը միայն ուտեստը սառեցնելուց հետո պետք է ձեռնարկել, քանի որ կարծիք կա, թե յոդը նույնիսկ տաք կերակրի ազդեցությամբ կարող է գոլորշիանալ:

Նույն համը՝ աղի առավել ցածր բաղադրությամբ

Աղն, իհարկե, բարձր օգտակարություն ունի, թեկուզ այն առումով, որ կարող է յոդի կլանման աղբյուր հանդիսանալ, բայց չարաշահման պարագայում էլ մի շարք բարդությունների առաջացմամբ է հղի: Այն, մասնավորապես, օրգանիզմում ավելորդ հեղուկ պահելու արդյունքում՝ զարկերակային ճնշումն ավելացնելու եւ սրտանոթային համակարգի մի շարք խանգարումներ հրահրելու հատկությամբ է աչքի ընկնում: Այդ իսկ պատճառով Հասմիկ Աբովյանը խորհուրդ է տալիս, հնարավորության սահմաններում, սահմանափակ ծավալով աղ օգտագործել:

NEWS.am Medicine-ի թղթակցի հետ զրույցի ընթացքում մասնագետը նշել է, որ եփված ուտեստների վրա ցանկալի է նույնիսկ աղ չավելացնել, կամ էլ՝ պատրաստի վիճակում աղը ցանել. վերջին դեպքում անհրաժեշը համը ստանալու համար նշանակալիորեն ավելի քիչ աղ կօգտագործեք, քան եթե պատրաստման ընթացքում ավելացնեիք: Իսկ դա արդեն սննդակարգում աղի օգտագործման ծավալների կրճատում է ենթադրում:

 

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Կարդացեք նաև
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է