Հաջողության մի քանի հիմնական գրավական կա, որոնցից մեկը աշխատասիրությունն է: Այս մասին լրագրողներին պատմել է ՀՀ առողջապահության նախարար Արմեն Մուրադյանը՝ սեպտեմբերի մեկի կապակցությամբ Ալեքսանդր Պուշկինի անվան թիվ 8 դպրոց կատարած իր այցի ժամանակ:
«Համոզված եմ, որ աշխատասիրությունը հաջողության ամենամեծ գրավականն է», - ասել է նա:
Հաջողության հաջորդ գրավականը, նախախարի կարծիքով, ընկերությունն է: Իրոք, լավ ընկերները շատերին կարող են օգնել հաջողության հասնել: Հայրենիքը նույնպես հաջողության կարեւոր գրավական է:
Արմեն Մուրադյանի կարծիքով, մարդու՝ հաջողության հասնելու գործում մեծ դեր են խաղում նաեւ ընտանիքը, ծնողները: Սա արդիական է մանավանդ դպրոցականների հարցում, որոնց հաջողություններից շատերը կախված են հենց ընտանիքից եւ ծնողներից:
«Ես կարծում եմ, որ այս գաղափարներն ընկալելը այս (դպրոցական) տարիքում դեռ շուտ է, եւ շատ բան կախված է ծնողներից՝ թե ինչպես են նրանք կարողանում երեխաներին այդ ամենը ներկայացնել եւ օրինակ ծառայել, այդ գաղափարների շուրջ իրենց լավագույն հատկանիշները ձեւավորել», - նշել է նախարարը:
Նախարարը լրագրողներին հիշեցրել է նաեւ, որ հաջողության հասնելու հիմնական գրավականների մասին վերջերս դասախոսություն է կարդացել՝ Հանրալսարան հաղորդաշարում:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր