• Latest news

Ուղեղի մագնիսական խթանումը հիշողության գործառույթի բարելավման է հանգեցնում

1 սեպտեմբերի, 2014  20:41

Ամերիկացի գիտնականների նախաձեռնությամբ իրականացված հետազոտության արդյունքում պարզվել է, որ ուղեղի մագնիսական խթանումը հիշողության գործառույթը բարելավելու ներուժ ունի: 

Փորձարկման 21-40 տարեկան 16 մասնակիցները երկու խմբի են բաժանվել: Առաջին խմբում ներգրավվածները 5 օր շարունակ ուղեղի տրանսկրանիալ մագնիսական խթանման են ենթարկվել, յուրաքանչյուրըն սեանսը՝ 20 րոպե տեւողությամբ: Հետազոտության մեկնարկին բոլոր կամավորները մարդկանց 20 լուսանկարների նայելու եւ, միաժամանակ, դրանց ցուցադրության ընթացքում արտաբերված բառերին ուշադրություն դարձնելու հանձնարարություն են ստացել: Սեսիաների ավարտից հետո նրանց նույն լուսանկարներն են ցուցադրել եւ խնդրել, որ յուրաքանչյուրի հետ ասոցացված բառերը մտաբերեն: Փորձարկման՝ խթանման ենթարկված մասնակիցները, երկրորդ խմբում ներգրավվածների հետ համեմատությամբ, առաջարկվող թեստն առավել բարձր արդյունքներով են հանձնել: 

Նյարդակենսաբաններին առաջին հերթին մագնիսական խթանման՝ հիշողության համար պատասխանատու գլխավոր կենտրոններից մեկի՝ հիպոկամպի վրա ունեցած ազդեցությունն է հետաքրքրել: Գաղտնիք չէ, որ հիշողությունը ստուգող թեստերի իրականացման ընթացքում հիպոկամպն ու կեղեւը ակտիվորեն իմպուլսներ փոխանակելու հատկություն ունեն, իսկ դրանց միջեւ առկա կապերի խզումը կարող է այնպիսի արատների հանգեցնեկ, երբ մարդն, օրինակ, ի վիճակի չէ անունն արտաքինի հետ ասոցացնել:

Հետազոտության Science ամսագրում հրապարակված արդյունքների համաձայն, ուղեղի տրանսկրանիալ մագնիսական խթանման ենթարկված կամավորների մոտ օրգանի տարբեր հատվածների աշխատանքի սինխրոնավորում եւ հիշողության գործառույթի՝ 20-25 տոկոսի չափով բարելավում է նկատվել, հաղորդում է The Guardian-ը:

Գիտնականների համոզմամբ, սույն բացահայտման շնորհիվ առաջիկայում ինսուլտով, գանգաուղեղային վնասվածքներով եւ Ալցհեյմերի հիվանդությամբ պայմանավորված հիշողության կորստի բուժման նոր մեթոդներ կարող են մշակվել:

Հետևեք NEWS.am Medicine-ին Facebook-ում և Twitter-ում


 
  • Կարդացեք նաև
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է