• Latest news

Ի՞նչ է տեղի ունենում օրգանիզմում՝ գազավորված ըմպելիք խմելուց հետո

2 սեպտեմբերի, 2014  12:47

Գազավորված ըմպելիքների՝ օրգանիզմի վրա անմիջական ազդեցությունը լիովին փաստագրված է: Օրինակ՝ այն, որ մեկ շիշ ըմպելուց հետո կարող եք շաքարի օրական անհրաժեշտ պաշարի 100 տոկոսը՝ 10 թեյի գդալ լրացնել: 

Բնականաբար, արդյունքում արյան մեջ շաքարի բաղադրությունն է բարձրանում, այնուհետեւ էլ՝ ինսուլինի, ինչի արդյունքում լյարդը սկսում է հավաքված ողջ շաքարը ճարպերի վերածել: Իսկ ահա 40 րոպե անց կոֆեինի մարսման գործընթացն է ավարտվում՝ տարբեր օրգանների ստիպելով համապատասխան արձագանք ցուցաբերել: Մասնավորապես, աչքի բիբերն ընդարձակվում են, արյան ճնշման աճ է նկատվում, իսկ լյարդն էլ սկսում է ավելի մեծ ծավալով շաքար դեպի արյան շրջանառություն առաքել, հաղորդում է Medical Daily-ն: 

Եւ սա դեռ՝ առաջին ժամվա ընթացքում: Օրական մի քանի շիշ գազավորված ըմպելիք խմելուց հետո վնասակար սովորության ազդեցությունը գրեթե բոլոր օրգանները կարող են իրենց վրա զգալ: Դրանցից մի քանիսը նշենք.

Ուղեղ

Շաքարի բարձր բաղադրությունը մի շարք նյարդաբանական, մասնավորապես՝ հիշողության հետ կապված գործընթացների աշխատանքին միջամտելու միտում ունի: Վերջերս իրականացված հետազոտության՝ Neuroscience ամսագրում հրապարակված արդյունքների համաձայն, շաքարի չարաշահումը «ուղեղածին նյարդաբանական գործոն» անունը ստացած քիմիական միացության արտազատման ծավալները նվազեցնելու հատկությամբ է աչքի ընկնում, ինչը կարող է կոգնիտիվ՝ ուսման եւ հիշողությունների ձեւավորման հետ կապված կարողությունների թուլացման հանգեցնել:

Սիրտ

2012թ.-ին Հարվարդի համալսարանականների նախաձեռնությամբ իրականացված հետազոտության արդյունքներն այն մասին են վկայում, որ օրական թեկուզ մեկ շիշ գազավորված ըմպելիք խմող մարդկանց մոտ սրտի քրոնիկ հիվանդությունների առաջացման ռիսկի շեշտակի աճ է նկատվում: Մասնավորապես, վնասակար ըմպելիքներից առավել հաճախ եւ առավել հազվադեպ օգտվողների միջեւ սրտի կաթվածի առաջացման ռիսկի տարբերությունը 20 տոկոս է կազմում:

Թոքեր

Գիտնականները գազավորված ըմպելիքների չարաշահումը նաեւ թոքերում ի հայտ եկող բարդությունների, մասնավորապես՝ քրոնիկ օբստրուկտիվ խանգարման հետ են կապում:

Ատամներ

Ամեն անգամ գազավորված ըմպելիք խմելուց հետո կլանված շաքարը բերանի խոռոչում հավաքված մանրէներին միանալու եւ թթվային միջավայր խթանելու սպառնալիք է առաջացնում, ինչն ատամների էմալը թուլացնելու եւ ժամանակի ընթացքում քայքայելու վտանգով է հղի: Գազավորված ըմպելիքները նաեւ թքի pH մակարդակը նվազեցնելու եւ արդյունքում՝ բակտերիալ պրոլիֆերացիա ու ատամների քայքայում խթանելու միտում ունի: Ընդ որում, հակառակ տարածված մոլորության, դիետիկ ըմպելիքները եւս այս տեսանկյունից բացառություն չեն կազմում: 

Հիմա հարց է առաջանում՝ հիշյալ ըմպելիքները համի տեսանկյունի՞ց էլ այդքան լավն են:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Կարդացեք նաև
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է