• Latest news

Ո՞վ եւ ե՞րբ պետք է հոգեթերապեւտի դիմի

17 սեպտեմբերի, 2014  17:08

Ի՞նչ խնդիրներով են մարդիկ հոգեթերապեւտների դիմում: Ի՞նչ խնդիրներով նրանց արժե դիմել: Թեմայի շուրջ NEWS.am Medicine-ի թղթակիցը հոգեթերապեւտ Ցոլակ Հակոբյանի հետ է զրուցել:

Մասնագետի խոսքով, հասարակությունը պայմանականորեն կարելի է 3 մասի բաժանել. հասարակության մեջ կան, իհարկե, հոգեպես առողջ մարդիկ՝ նրանք պոպուլյացիայի մոտ 8-15 տոկոսն են կազմում: Իսկ ահա հոգեկան հիվանդություններ ունեցողների բաժինը 8-12 տոկոսով է բնորոշվում: Մնացյալ մարդիկ սահմանային վիճակներում են գտնվում:

Ի դեպ, սահմանային վիճակներում գտնվող մարդկանց մոտ 70 տոկոսը նեւրոզներով է տառապում: Եւ հենց նրանք էլ, որպես կանոն, կարող են հոգեթերապեւտի օգնության կարիքն ունենալ՝ այդ վիճակից դուրս գալու եւ լիարժեք կյանքով ապրելու համար: Իհարկե, հոգեթերապեւտը կարող է նաեւ իրենց բոլորովին հոգեպես առողջ համարող մարդկանց օգտակար լինել, երբ վերջիններս ինչ-որ դժվարությունների առաջ են կանգնած:

Այսպիսով, հոգեթերապեւտը հոգեբույժ չէ, եւ հոգեթերապեւտին դիմելու համար հարկավոր չէ «հոգեկան հիվանդ» լինել: Հոգեթերապեւտը, որպես կանոն, պարզապես օգնում է մարդկանց՝ ազատվելու իրենց դժվարություններից եւ անհանգստություն պատճառող խնդիրներից՝ լինեն դրանք էմոցիոնալ, սոցիալական թե ներանձնային:

Հոգեթերապեւտը կարող է նաեւ օգտակար լինել սթրեսային իրավիճակում գտնվող մարդկանց: Ցոլակ Հակոբյանի խոսքով, դարեր շարունակ սթրեսը օգնում էր մարդկանց, սակայն այսօր փոխվել են սպառնալիքները, որոնց դեմ այն ժամանակին պայքարելու ունակություն ուներ, եւ այսօր սթրեսը օգնելու փոխարեն խանգարում ու վնաս է հասցնում մարդկանց:

«Եթե մարդուն պատկերացնենք որպես պաշտպանված մի ամրոց, ապա սթրեսը բացում է այդ ամրոցի բոլոր դռները, եւ մարդն անպաշտպան է դառնում», - պարզաբանել է հոգեթերապեւտը:

Բոլորը չեն, որ կարող են սթրեսն ինքնուրույն դիմակայել: Հոգեթերապիան կարող է օգնել սթրեսային իրավիճակում գտնվող մարդուն՝ բոլոր սոցիալական եւ այլ խնդիրներները հաղթահարելու, ամրանալու, ուժեղանալու, դժվարությունների դիմակայմանը միտված հմտույթուններ ձեռք բերելու եւ իր կյանքը կառուցելու համար:

Հայաստանում, Ցոլակ Հակոբյանի խոսքով, հոգեթերապեւտին այնքան էլ հաճախ չեն դիմում, չնայած որ նման օգնության կարիք ունեցող մարդկանց թիվը շատ մեծ է: Հոգեթերապեւտի, ինչպես նաեւ հոգեբանի դիմելու մշակույթը մեր հայրենակիցների մոտ դեռեւս զարգացման փուլում է գտնում: Շատերն ուղղակի չգիտեն, թե որտեղից կարող են օգնություն ստանալ, իսկ իմացողներից շատերն էլ ամաչում են մասնագետին դիմել:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է