• Latest news

Ուղեղի երկբեւեռ խանգարման՝ յոգայով բուժում. թերություններ եւ առավելություններ

19 սեպտեմբերի, 2014  14:38

Յոգան բազմաթիվ օգտակար հատկություններ ունի. այն ոչ միայն մկաններն ամրացնելու, մարմինը հանգստանելու եւ ֆիզիկապես մարզվելու հնարավորություն է ընձեռում, այլեւ կարող է դեպրեսիայի մակարդակը նվազեցնելու, հետվնասվածքային սթրեսը հաղթահարելու եւ տրամադրությունը բարձրացնելու միջոց ծառայել, հիշեցնում է Medical Daily-ն:

Այդուհանդերձ, դեռեւս մանրազննին ուսումնասիրություն չի գտել այն հարցը, թե արդյոք հիշյալ մարզաձեւը կարող է նաեւ մտավոր բնույթի խնդիրների, մասնավորապես՝ ուղեղի երկբեւեռ խանգարման առկայության պարագայում դրական ազդեցություն ապահովել: Վերջերս Journal of Psychiatric Practice ամսագրում հրապարակված հետազոտության շրջանակում Բրաունի համասարանականները, Լիզա Վեբելակերի գլխավորությամբ, փորձել են ուղեղի երկբեւեռ խանգարման՝ յոգայի օգնությամբ բուժման արդյունավետությունը պարզել:

«Ուղեղի երկբեւեռ խանգարման պարագայում «հաթա» յոգայի կիրառման արդյունավետության վերաբերյալ որեւէ գիտական գրականություն հնարավոր չէ գտնել: Այնպես որ, պատճառ չունեինք մտածելու, թե այն կարող է վտանգավոր գտնվել՝ նմանատիպ հիվանդների համար, բայց եւ դրա օգտակարության մասին վկայող որեւէ ապացույց չկար: Ընդ որում, մեզ երկբեւեռ խանգարման՝ դեղորայքային թերապիային զուգահեռ տարվող բուժման արդյունավետությունն էր հետաքրքրում», - նշել է կրթօջախին կից գործող Ալպերտի բժշկական դպրոցի հոգեբուժության դոցենտ դոկտոր Վեբելակերը: 

Հետազոտության շրջանակում առցանց կազմակերպված հարցախույզին ուղեղի երկբեւեռ խանգարմամբ ախտորոշված 70 հիվանդներ են մասնակցել: Ի պատասխան հարցի, թե ինչպես է յոգան նրանց մտավոր առողջության վրա անդրադարձել, շատերը պատասխանել են, թե այն փոխել է իրենց կյանքը, իսկ հիվանդներից մեկի պարագայում նույնիսկ՝ «փրկել»: Ընդհանուր առմամբ, հարցվածների մեծամասնությունը յոգայի՝ տագնապի զգացողությունը թուլացնելու հատկության մասին է հիշատակել:  

Այդուհաներձ, գտնվել են նաեւ հարցախույզի այնպիսի մասնակիցներ, որոնց համոզմամբ յոգան բացասական ազդեցություն է թողել: Խոսքը, մասնավորապես, արագ շնչառության արդյունքում ի հայտ եկող ցնցումներին է վերաբերում: Մեկ դեպքում էլ արեւելյալ մարզաձեւի ազդեցությունը փորձած մասնակիցը դեպրեսիայի՝ նախկինից էլ բարձր մակարդակից է դժգոհել: «Կատատոնիային մոտ վիճակում էի հայտնվել… դրանից հետո երեք օր անկողնում պառկած եմ անցկացրել», - նշել է նա:

Դոկտոր Վեբելակերի մեկնաբանմամբ, ցանկացած տիպի վարժություն ֆիզիկական վնասվածք կամ ցավ պատճառելու ռիսկ է պարունակում: «Միգուցե պարզապես արժե մարզաձեւի ընթացքում կիրառվող առավել ծանր վարժությունների՞ց խուսափել, ինչպես, օրինակ, արագ շնչառությունն է», - ենթադրել է նա: 

Այդուհանդերձ, մեկ հետազոտությամբ հնարավոր չէ հարցի շուրջ հստակ եզրահանգումների հասնել: Դոկտոր Վեբելակերը յոգայի՝ ուղեղի երկբեւեռ խանգարման վրա ազդեցության ուսումնասիրությունները շարունակելու մտադրություն ունի: Չէ՞ որ նախընթաց բոլոր հետազոտությունների արդյունքներն այն մասին են վկայում, որ ֆիզիկական վարժությունները, եւ մասնավորապես՝ յոգան, ընդհանուր, ինչպես նաեւ մտավոր առողջությանը նպաստելու ներուժ ունեն: Իսկ ինչո՞ւ ուղեղի երկբեւեռ խանգարման պարագայում չպետք է այդպես լինի:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է