Ուղիղ կեցվածքը կարող է սեռական կյանքի վրա բարենպաստ ազդեցությու՞ն թողնել

Health Psychology ամսագրում հրապարակում գտած հետազոտական տվյալների համաձայն, գրասեղանի մոտ ծուռ կեցվածք ընդունող մարդու մոտ ոչ միայն ողնաշարի, այլ նաեւ՝ սեռական կյանքի հետ կապված խնդիրներ կարող են առաջանալ: Եվ ընդհակառակը՝ ուղիղ նստող մարդիկ անկողնում բարձր լիբիդոյով եւ տոկունությամբ են աչքի ընկնում: 

Փորձարկումների փուլում հետազոտության մասնակիցների մի մասը օրվա ընթացքում ուղիղ, իսկ մյուս մասը՝ ծուռ նստելու հանձրարարություն է ստացել: Որոշ ժամանակ անց փորձագետները պուլսի հաճախականության եւ արյան ճնշման ստուգումներ են նախաձեռնել, մի շարք հանձնարարություններ տվել եւ մասնակիցների առողջական վիճակը, տրամադրությունն ու ինքնագնահատականը պարզելու փորձ կատարել:

Արդյունքում պարզվել է, որ ծուռ նստողների մեծ մասի մոտ օրվա վերջին անհամեմատ ավելի քիչ են սեռական ցանկություններ առաջանում: Բացի այդ, նրանց բոլորի մոտ ցածր տրամադրություն եւ խոսելու ցանկության բացակայություն է նկատվել, իսկ եթե խոսել են, ապա միայն՝ բացասական երեւույթների մասին: Օրվա ընթացքում ուղիղ նստած մասնակիցներն, ընդհակառակը, բարձր ինքնագնահատականով, տրամադրությամբ եւ սեռական ցանկություններով են աչքի ընկել:

Հետազոտության հեղինակների պնդմամբ, անընդհատ ծուռ նստող մարդկանց մոտ, ի թիվս այլ խնդիրների, նաեւ կոնքային ու մարսողական համակարգի օրգանների խանգարում է նկատվում, ինչը կարող է մարսողության ու շնչառության հետ կապված բարդությունների առաջացման եւ կրքոտ գիշերվա համար անհրաժեշտ էներգիայի կորստի պատճառ դառնալ:

Հետևեք NEWS.am Medicine-ին Facebook-ում և Twitter-ում