• Latest news

Պատվաստանյութերը չեն կարող երեխաների մոտ էպիլեպտիկ նոպա առաջացնել

20 սեպտեմբերի, 2014  21:21

Հետազոտությամբ վկայություն է ձեռք բերվել առ այն, որ վակցինացիոն տարիքի երեխաների մոտ որոշ դեպքերում ի հայտ եկող ցնցումային նոպաների պատճառը ոչ թե պատվաստանյութերի ներարկումն է, այլ՝ երեխայի օրգանիզմում առկա գենետիկ եւ կառուցվածքային թերությունները: «Այս բացահայտումն անչափ մեծ կարեւորություն ունի, քանի որ կարող է վակցինացիոն ծրագրերի նկատմամբ անվերապահելի հավատ ներշնչել մարդկանց», - նշել են հետազոտության հեղինակները:

Մանկահասակ երեխաների գրեթե 5 տոկոսի մոտ բարձր ջերմությամբ եւ երբեմն էլ՝ գիտակցության կորստով ուղեկցվող ֆեբրիլային նոպաներ՝ սպազմներ եւ կցկտուր շարժումներ են նկատվում: Կարիք չկա նշել, թե երեւույթը որչափ անհանգստություն է պատճառում ծնողներին, որոնց մոտ, այդ ցնցումների՝ էպիլեպսիայի ախտանշաններին նմանության պատճառով, լուրջ մտահոգություններ են առաջանում: Ֆեբրիլային նոպաները, մեծ ի մասամբ, 6 ամսականից 5 տարեկան երեխաների մոտ են ի հայտ գալիս, ինչը վակցինացիոն տարիքի հետ է զուգադիպում: Հենց այդ պատճառով էլ պատվաստանյութերի դեմ ձեռնարկվող քարոզարշավների ուշադրության կենտրոնում ցնցումային նոպաներն են հայտնվել՝ այն մեկնաբանմամբ, թե դրանց առաջացման պատճառը հենց վակցինացիոն ծրագրերն են, որոնք ի վերջո կարող են էպիլեպսիայի եւ այլ հիվանդությունների առաջացման հանգեցնել, հաղորդում է Medical Daily-ն: 

2012թ.-ին Դանիայում կազմակերպված լայնածավալ հետազոտության արդյունքում պարզվել էր, որ 5 պատվաստանյութ ներառող միանգամյա վակցինացիայի ենթարկված երեխաների մոտ ֆեբրիլային նոպաների առաջացման 6 անգամ բարձր ռիսկ է գործում (չհաշված բարձր ջերմությունը, ինչը պատվաստանյութերի ներարկման ամենատարածված կողմնակի ազդեցություններից մեկն է համարվում): Թեւ դրանց կրկնման եւ էպիլեպսիայի վերածման հավանականությունը համապատասխանաբար խիստ ցածր եւ զրոյին հավասար է գնահատվել: Ավելին՝ հետազոտությանը մասնակից դարձած գրեթե 400 հազար երեխաներից 7811-ի մոտ ֆեբրիլային նոպան կյանքի առաջին մեկուկես տարիների ընթացքում է գրանցվել, մեծ ի մասամբ՝ տարատեսակ ինֆեկցիաների հրահրմամբ առաջացած բարձր ջերմության, եւ ոչ՝ վակցինացիոն ծրագրի հաշվին:

Ընթացիկ հետազոտության շրջանակում հոլանդացի գիտնականները կյանքի առաջին երկու տարիներին՝ 1997-ից 2006թթ.-ն ընկած ժամանակահատվածի ընթացքում, վակցինացիոն ներարկումից հետո նոպա ունեցած 990 երեխաների բժշկական տվյալներն են ուսումնասիրել՝ պարզելու համար, որ նրանցից ընդամենը 26-ի մոտ է կյանքի հետագա տարիներին էպիլեպսիա ախտորոշվել, որոնցից 15-ի պարագայում հիվանդության առաջացման պատճառը Դրավեթի համախտանիշն ու որոշ գենետիկ մուտացիաներ են եղել:

Հետևեք NEWS.am Medicine-ին Facebook-ում և Twitter-ում


 
  • Կարդացեք նաև
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է