• Latest news

Բժիշկները 4 կգ-անոց մազագունդ են դեռահասի ստամոքսից հեռացրել

30 սեպտեմբերի, 2014  19:43

Ղրղըզստանում անհետաձգելի վիրահատության ենթարկված դեռահասի ստամոքսից 4 կգ կշռող մազագունդ է հեռացվել:

Կարճ ժամանակ առաջ հիվանդանոց տեղափոխված 18-ամյա Այփերի Ալեքսեեւան ստամոքսի սոսկալի ցավեր ուներ եւ այլեւս չէր կարող որեւէ բան ուտել կամ խմել:

Ռենտգեն հետազոտության արդյունքները ցույց էին տվել, որ աղջկա մարսողական համակարգին հսկայական չափերի մազագունդ է խանգարում, ինչը մայրաքաղաք Բիշկեկում գործող բուժհաստատության մասնագետներին ստիպել էր անհետաձգելի վիրահատություն նախաձեռնել:

«Երբ ծնողները բերեցին նրան, արդեն շատ էր նիհարել եւ չէր կարողանում որեւէ բան ուտել: Նույնիսկ խմելը չէր ստացվում: Ուստի հասկացանք, որ անմիջապես վիրահատել է պետք», - նշել է հիվանդանոցի ավագ վիրաբույժ դոկտոր Բահադիր Բեբեզովը:

Հետագայում պարզվել է, որ Ալեքսեեւան մազերի ծայրերն ատամներով պոկելու եւ անգամ գորգի վրա հավաքված վարսերն ուտելու սովորություն է ունեցել, հաղորդում է FoxNews-ը:

Բեբեզովի հավաստիացմամբ, առանց վիրահատության աղջիկը ծայրահեղ թերսնման եւ ջրազրկման զոհը կարող էր դառնալ:

«Վիրահատությունը միակ ելքն էր. խնդիրը լուծելու այլընտրանք չկար: Ստամոքսն այնպես էր մազերով եւ բրդի կտորներով խցանվել, որ, երբ թեթեւակի բացվածք արեցինք, ողջ պարունակությունն անմիջապես դուրս շպրտվեց», - նշել է մասնագետը:

Ալեքսեեւան ներկայումս ապաքինման է գնում եւ խոստանում է այլեւս մի հատիկ մազ անգամ բերանը չտանել:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել