• Latest news

Ամստերդամում աշխարհի առաջին մանրէաբանական այգին է բացվել

1 հոկտեմբերի, 2014  23:43

Երեքշաբթի օրը՝ սեպտեմբերի 30-ին Ամստերդամում Միկրոպիայի՝ աշխարհի առաջին ինտերակտիվ մանրէաբանական այգու բացման արարողությունն է տեղի ունեցել: Ֆրանս Պրես գործակալության հաղորդմամբ, հաստատությունը քաղաքային Artis կենդանաբանական այգու հարեւանությամբ է գտնվում: Artis-ի տնօրենը վաղուց էր այցելուներին կենդանի բնության ոչ միայն մակրո-, այլ նաեւ միկրոմակարդակը ցուցադրելու գաղափարի շուրջ մտորում: 

Մանրէաբանական այգին արտաքուստ լաբորատորիա է հիշեցնում: Ցուցադրանմուշները՝ բազմաթիվ միկրոօրգանիզմներն այստեղ մեծ էկրաններին միացված մանրադիտակների օգնությամբ են տեսանելի դառնում: Մի խոսքով, այցելուները մանրէների՝ Պետրիի անոթներում եւ ամաններում ծավալվող կյանքին հետեւելու եզակի հնարավորություն են ստացել: Հետաքրքրական է այն, որ միկրոօրգանիզմների բազմացումը հատուկ եռաչափ միկրոսկոպի օգնությամբ է ցուցադրվում:

Մանրէաբանական այգու ցուցանմուշների շարքում նաեւ Էբոլա վիրուսի վիթխարի մոդելը կա: Իսկ հատուկ սքաները այցելուներին տեղեկություն կտրամադրի այն մասին, թե մարմնի որ հատվածում եւ որքան մանրէներ են տվյալ պահին կրում: Սիրահարված զույգերն էլ կարող են համբուրվելուց հետո պարզել, թե որքան մանրէներ են համբույրի ընթացքում միմյանց փոխանցել:

«Մանրէներն ամենուրեք են, ուստի պատահական չէ, որ միկրոկենսաբանները տնտեսության գրեթե բոլոր սեկտորների՝ առողջապահության, սննդային արդյունաբերության, շինարարության, դեղագործության եւ նավթագազային ոլորտի կողմից ամենապահանջված մասնագետներն են դարձել: Այդուհանդերձ, եթե գիտության ոլորտը շարունակի մի խումբ փորձագետների ժառանգությունը մնալ, մարդկանց մոտ երբեք դրա նկատմամբ հետաքրքրություն չի առաջանա: Մենք նպատակ ունենք ցույց տալու այցելուներին, որ բնության մեջ ամեն ինչ փոխկապակցված է, եւ որ մանրէներն էլ այդ կապերի կարեւորագույն մասն են կազմում», - հավաստիացրել է Միկրոպիայի տնօրեն Հեյգ Բալիանը (Haig Balian):

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է